مين قد ولدت بالحرس الوطني بجدة....تجاربكم ياحلوات

يعني ولا وحدة تراجع او قد ولدت عندهم ...........يعني انا لوحدي راح اولد عندهم اهيء اهيء

رفع

انا ولادتي كانت في الحرس تقريبا من سنه وكم شهر يعني قريب السالفه

مين افضل دكتورة ...راجعتي عندها ؟
شوفي ياقلبي سؤالك صعب قولي ليييش
اهااااا قلتي لي ليييش ..؟؟ لأنه مستشفى حكومي كل موعد ملفك يدخل عند دكتوره غير الا اذا طلبتي الممرضه تدخله عند نفس الدكتوره ولو كان عندها زحمه بتقولك انتظري افضل دكتوره فيه استشاريه اسمها فاطمه سعوديه مرررره حبوبه وطيوبه وعسل فيه استشاري برضه محترم نسيت اسمه اردني اعتقد عموما عادة في العياده يكون فيه استشاري واستشاريه والباقي اخصائيات نساء وولاده
هل من الممكن تطلبي دكتورتك وقت الولادة ولا الي موجود انت وحظك؟
على حسب حظك اذا كانت مناوبه في قسم التوليد وموهي اللي تولد يعني لو موجوده في العياده ماراح ينادونها الا للضروره وغالبا اللي يولدون دايات ماليزيات وافريقيات
جربتي الخياطه التجميلية ..مع مين..وكيف كانت ؟
ماعرف اذا كانت خيطتني تجميليه او لا كانت داخليه وخارجيه بس اللي خيطتني نفس اللي ولدتني وهي من جنوب افريقيا
كيف الممرضات في كشك الولادة؟
اول مادخلت كانت فيه ماليزيه وكنت اتراجها تجلس الين اولد بس بعيد عني خخخخخ انتهت مناوبتها وجتني الافريقيه بس غالبا معاملتهم كويسه مادري اذا هم عشان زوجي معاي
بعد الولاده والخياط جابت لي كوب حليب حار وقالت لازم ترضعين البيبي وجابت لي بنوتي بعدين لما راح زوجي جابت لي لبس ومنشفه ومعجون اسنان وفرشه وشامبو وصابون كلهم مغلفين وجديده وكلوتات وقالت ياله اذا تقدرين تدخلين دوره المياه لوحدك ولا ادخل اساعدك قلت لا بس ساعديني اقوم من السرير
هل جربتي ابرة الظهر عندهم وكيف كانت ؟:09:
لا ماجربتها ولا كنت افكر اني اجربها لأني اخاف منها
وحده اعرفها زوجها دكتور في الحرس لماجت تولد طلبتها وجا استشاري يعطيها الابره بس تقول ذقت الويل في الطلق يعني اعتقد عطوها متأخر الابره وهي المفروض لما يكون 4 سم عموما تعسرت ولادتها في الاخير ولدت عمليه
نصيحه مني لاتجربين ابره الظهر لأنهم راح يعطونك ابره في الفخذ مسكنه اول الطلق وتخليك تنامين بس انا ماقدرت انام جلست اقاوم <<<بكريه
ووقت الطلق المؤلم تعطيك الكمام

انا لما ولدت كنت في غرفه خاصه مع دوره مياه مادري عشان وقتها ماكان فيه زحمه لأني شفت اسره بينهم ستاره تقدرين تسألينهم عشان تتأكدين


انا هالمره راح اولد في الحرس الرياض وشاااايله هم :44: اخاف ماالاقي الاهتمام اللي في ولادتي الأولى

الله يسهلك وان شاء الله تتيسر امورك يااااارب معليش قرقر واجد

شكراا..فتافيت...انا ولدت عندهم من اربع سنين....والحين كان نفسي في خاص بس زوجي قالي ليه التكاليف وكل شيء عندنا بالمجان ...بس ...بصراحة الدكتورات..ماني مرتاحة لهم بالمررررة..ماعادى الاستشاريه فاطمه ولي الدين...بس..فكرت اروح عندها بعيادتها الخاصة وقت الولادة واراجع باحكومي ...بس ما ادري كم الولادة ..عندها

ولدت قبل 3سنين طبعا المراجعات زي ماقالو البنات كل مرة عند وحدة وماتعرفي مين اللي بتولدك هذا الشي اللي مو حلو عندهم
اما بالنسبة وقت الولادة غرفة لوحدك والممرضات قمة الحنان واذا طلبتي ابرة الظهر يعطوكي مرة خالي طلبت بس بعد ماتذوقي أالام الطلق يعني مالها داعي وبعد الولادة ينقلوك لغرفة معاكحريم يعني مانتي لوحدك لو بيزورك احد ماله مكان يجلس وجيبو البيبي عندك وحتى الحفايظ الله يكرمك انت تبديل له والله كنت ازعجهم مابغى ابدله يعني وقت الولادة حلو لكن بعدها لا