شكرا على تفاعلكم يابنات ونبي مواقف اكثر عشان المدرسات يتعظون

موضوع عالجرح افتكر لما كنت بالابتدئي كتابي كان مقطوعه الدروس الاخيره ..لما وصلناها قالت لنا الابله افتحو الدرس الفلاني وتدور عالبنات ..
وصلت عندي والدرس ماهو فيه وتصارخ علي وكفوف ورا بعض وتشد شعري وتسحبني من الطاولات كان مكاني بالاخير وصلتني للسبورة سحب من شعري حسبي الله حسبي الله حسبي الله عليها ونعم الوكيل ..الله يشل يدها جرحتني وهانتني قدام البنات صرت مسخرتهم الله يعذبها عذاب شديد ..ولما وصلت السبوره تضربني علي وجهي وراسي وضهري ضرب مانساه وكل ماتذكرها ادعي عليها يارب خذ حقي منها .. 😔💔 وبعد ماخلصت قالت يلا اطلعي برا للمديره روحي قوليلهم انك كسلانه ومهمله .
واما الباقيات حدث ولا حرج كانو يفضلون البنت الغنيه على الفقيره ..كثير مرو علي كذا ربي حسيبهم .ماراعو مشاعرنا 

ياقلبي يا احنا نرحم اللي يقهر كنا محترمين معاهم ونحبهن حب ونقدرهن للاسف فيه منهن متوحشات وفيه طيبات خلوقات الله يسعدهن وين ماكانن ...


انا كنت احب معلمه فصلنا ومعجبه فيها وابيها تشوفني احسن وحده افرح بمدحها ولاني كنت الاخت الكبيره مالي احد اكبر مني يعلمني كنت ادرس نفسي وانتبه لل*** عشان لرجعت اقدر احفظ واراجع لان امي اميه ماتعلمت ... المهم
كنت متفوقه عندها وكله جهدي الحمدلله ... وحطتني عريفة الفصل والبنت اللي تفتش على الواجب ... اول ماتبدا ال*** افتش على البنات واوقف اللي ماحلت الواجب وهكذا وفي يوم مشؤم ههههههه نسيت والتهيت في البيت ولا حليت الواحب وهي غريبه مني انا نفسي انصدمت ان ماحليته حتى جلست مصدومه ان ماحليته ارحم خخخخخخ اتذكر شعوري ... هي دخلت المدرسه وقالت يالله قمه دوري على الواجب انا فتحت دفتري الا انا ماحليت جلست مصدومه وافكر داخل نفسي وش اسوي ادور على البنات ووقفهم وانا براسي ماحليت متفشله ومحتاره بصف ثالث كنت شوفو حيرتي ارحم .. وبنفس الوقت متفشله ان اوقف قدامها واطلع كسلانه ماحليت الواجب وانا البنت الشاطره عندها .. ومو سهل شطارتي هذي تعبت لحد ما اثبت نفسي عندها ههههههه ايام كانت ..
ولا اقوم على طول اقول انا ماحليت الواجب وبعدين هي تقوم احد يدور بدالي ... فنهاية قررت اقوم
واقوم وافتش على البنات واقومهم اللي ماحلو وارجع مكاني واوقف لاني ماحليت الواجب ...
وطالعتني وقالت وش ياقمه ليه واقفه قلت ماحليت الواجب قالت ايش ماحليتي ودورين عاى البنات وانت اصلا ماحليتي مثلك مثلهم ... تفشلت زياده
وراسي بالارض ... قالت عقاب لك خليك واقفه على السبوره لمدة ثلاث ايام قبل لادخل ال*** توقفي ما ابي اجي الا وانت واقفه .... انصدمت من عقابها صراحه عقابها قوي جدا وهي ماتعاقب البنات كذا انصدمت وانا احبها شعور يعور ...
ومتفشله من البنات يضحكون علي وشمتانين وارجع للبيت ولاشكيت لامي بطبعي ما اشكي اعتمد على نفسي ... وادوام اليوم الثاني وقبل لاتدخل ال*** اقوم واوقف على السبوره الشعور محرج لاني العرفيع والبنات يركضون حولي ويضحكون ان العريفه وموقفه وهم يلعبون محد ماسكهم ... الا وتدخل ولا طالعني وترشح الدرس وانا قلبي معورني ومقهوره ومكسوره وساكته وال*** كاتت طويله علي ... وصفرت وطلعنا ورجعت كرسي مكسوره وساكته واشيل شنطي ولا اسولف ولا اتكلم بس منزله راسي وابي اوصل للبيت بأسرع وقت .... ودخلت البيت وانهار وابكي بقوه على فراشي وهذا ماهو من طبعي بس قهر فيني وكانت خالتي موجوده عند امي وجدتي وانا ابوي متوفي له سنه وعايشين عند خوالي وخالتي هذي تحبني ودايم تفتخر فيني وانا انا اللي بشيل امي واخواني بعدين .... يوم شافتني ابكي جت لي هي وامي وسألوني وعلمتهم خالتي اكبر من امي وشخصيه وجريئه امي هاديه وطيبه وحلفت خالتي تروح معي بكره .... واروح للمدرسه وتجي *** المعلمه ومن ادبي واحترامي لها وقفت عند السبوره .. قبل كنا نحترم المعلمات ونقدرهم للاسف ماكانو يقدرو هالشي ... وخالتي راحت للمديره وكلمتها ونادو معلمتي وكلمتها المديره وخالتي وشكل الحوار بينهم مر بتفاهم لان المعلمه جت الفصل ولا عصبت علي وقالت ارجعي مكانك وقالت انا عاقبتك لان غلطت الشاطر بألف ...وخلاص كانت معاملتها لي عاديه بس انا انكسرت من داخلي ... ويمر اسبوعين وتجي المصيبه الكبيره وانسى ما احل الواجب ههههـهـ😆😂😆 انا بس اتذكر شكلي وانا متورطه احسه فلم ... وكانت ال*** الثالثه اللي اكتشفت ان نسيت احل الواجب وتصفر فسحه وافكر بسرعه وش اسوي وكانت فيه مشكله منتشره ذيك الايام بنات يلقون دفاترهم مشققه وكتبهم مشققه ... قلت ابد لقيتها وانتظر البنات يطلعون للفسحه ومابقى غيري واخذ دفتري واشققه وارميه تحت الكراسي في كل مكان وارمي كتبي واطلع خخخخخخ ويوم رجعنا للفصل وكانت ال*** الرابعه علينا هالمعلمه وادخل الفصل متاخر وسبقوني البنات للفصل ويلقون كتبي مرميه
ودفتري مشقق .. وينادوني تعالي شوفي دفترك وكتبك واسوي نفسي مصدومه وابكي استغفرالله من خوفي من المعلمه كذبت ومثلت تمثليه كذب ... وترجع المعلمه وانا ابكي والبنات يعلمونها وانا ما اتكلم هم يتكلمون عني .... وتهدني المعلمه وتقول هذي مشكله منتشره هالايام بنات يشققون دفاتر بعض خلاص من اليوم ورايح نقفل باب الفصل اذا طلعتو فسحه وانتبه لشناطكم ... طرت من الفرحه ان طلعت من المشكله وكنا اخر السنه تبي تخلص المنهج المعبمه ورحمه من الله ماحققت بالموضوع المعلمهه ... والله يسامحها ويسامحني لكن احس هالمواقف كانت دروس لنا في الحياة قوتنا لأمور اصعب ....

والله اذ تذكرت ذكرياتهم اغلبها سيئة
جيلنا انظلم بالمعلمات كان الضرب لازم ومسموح والأهل عادي عندهم
ياما أكلت بهذله وضرب وانا طفله وكلها ظلم ولا يسمحون لك تدافعي عن نفسك
بس عزائنا التقي انا وإياهم بين يدين الله يوم القيامة واقتص منهم
ولا ظلم معلماتي كثير ماحب أوجع قلبي واتذكره

أتذكر معلمه الله لا يبارك فيها لما كنا بثالث ابتدائي ضربتني كف علي وجهي بس عشان الدفتر مو مسطر ولا فيه طوابع وانا كنت دايم ارتب واكشخ دفتري بس ذاك اليوم ماامداني وصفعته علي الأرض وسببت لي ازمه نفسيه وقمت ابكي وشافتني صديقتي بصف رابع عورت قلبها وراحت غرفه المعلمات وهي فاضيه وكبت علي دفترها التحضير بيبسي وعادته كله من جد وجديد بردت حرتي فيها من جد كانت سيئه اخلاق وحتي شكل