السلام عليكم
الوالد الله يخليه متزوج 3 امي الاولى وحنا وياهم نتشاوف وامي فاتحه بيتها ولله الحمد والحريم عيالهم اطفال واذا بغو شي اخواني الشباب يجيبون لهم اغراضهم ويودونه ويجيبوننهم عندنا في البيت اخواني الله يصلحهم وانتم تعرفون الشباب ثقيله عليهم تحمل المسئوليه اخواني ما اقول انهم ما ينفعون ابد لا ينفعون بس كل شي ثقيل عليهم انا وامي ما نطلب منهم الا الشي الضروري لكن فيه اشياء ندبر حالنا مثلا اروح انا وامي لم المشغل او البقاله مشي او نوصي وحده سعوديه ثقه ولده يسوق ليموزين ونعطيها فلوس ونخليها توصلنا لم السوق او نوصيها على غرض واليوم امي عطتها مبلغ قالت تعرفين ناس يحتاجون قالت نعم قالت اشتري لهم اكل من المطعم واعطيهم
لكن مرت ابوي الثانيه طلباتها ما تخلص هي عندها اطفال والله اخواني ما قصرو يجيبون لها اغراضها ويودونها ويجيبونها بس هي اذا بغت شي او تروح او تجي تتصل على امي تقول خلي احد عيالك يجيب لي او يودين وحتي احياننا ابوي يجي لم امي يقولها قومي خلي حدى العيال يجيب او يودي فلانه وابوي جدا عصبي وامي تخاف منه ومن ثم امي تبدا الحرب تركض من غرفه لغرفه او تكلم على جوالات عيالها يا وليدي تكفى ود خالتك والله اني خيفه من ابوكم لو ماتودونها بيعفس البيت علينا واحيانا العيال وامي يتهاوشون وحالتنا حاله والله اني اشيل هم اخر الاسبوع اذا بغت تروح لم اهلها او ترجع المشكله انا عندها ولد من زوج ثاني كبر اخواني عند اهلها استغرب ليش ما يجيبها منهم وعندها اخوان شباب كثار وعندها بعد بنت من زوج ثاني دائم طلبات المشكله ان اهلها بيتهم لاصق بين سوقين ومكتبه واذا جت لبيتا يا الله اتصال على امي
اليوم والله انقهرت مرره جت امي لم اخوي توه راجع من الدوام معها ورقه قالت ياوليدي خالتك تبي اغراض تبي تطبخ لناس فقراء وانا والله من الصبح وانا اسا حر اخوانك ولا حيات لمن تنادي بس نوم وانا تعبت من رجولي
انا تنرفزت قلت ها الحين انتي يوم بغيتي تطعمين الفقراء وصيتي الي ولدها يسوق ليموزين عشان تسلمين من منة عيالك بس ما سلمتي جت هي وحطت ورقتها بيدك لا تقولون لي يمكن ما تعرف ها الحرمه هي تعرفها مره وتدري انها ثقه دائم اسمع من اخواني يقولون هي صراحه متعديه الحدود كل يوم سووووق وبعدين ليش تبوني اقوم من النوم وانا جاي تعبان على شان اروح اجيب لها ككاوات ليش ما تطلع لسوق وتجيب لبنتها الي تبي ليش تقولنا جيبو لبنتي قماش وخرابيط وخيوط هو صحيح الفلوس من ابوي بس حنا لحم ودم عندنا طاقه
اليوم قلت لمي يمه واجهيها بهدوء بينك وبينها قولي لها اذا بغيتي شي لا تدخليني عندك ارقامهم انتي خالتهم انا تراني تعبت عساني اتحمل نفسي
اذكر مره سافرت شغالتا وهي مدرسه قالت لمي ابجيب اطفالي عندك امي دخلت علي قالت والله اني مابي حيل للبزران قلت ليش ماتجيب شغالت اهلها قلت ليش ما تواجهينها بصراحه او تجيب شغاله موقته
والله اني خايفه على امي لانها حرمه كبيره وفيها ضغط وسكر يعني المفروض ترتاح انا يا بنتها اذا احتجت شي اذا ما قدرت على اخواني ما خليها تتوسط لي من خوفي عليها
المشكله ان خالتي متكله على امي بكل شي دائم تشكي لها واذكر مره ابوي ضرب ولدها ا قالت لعمتي ان امي هي السبب ودائم تتكلم من وراها
انا ما ادري هل هي تعتقد ان الزوجه الاولى لازم تتحمل جزء من مسئولية الزوجه الثانيه وابنائها ام ماذا
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
ظلع
•
ردو لو سمحتو
خلي اخوانك يقولون لها مشغولين والا ما يعطونها وجه اذا ودوها هي من نفسها بتتأدب وبتحترم نفسها
ظلع
•
نسيت اقولكم يوم تكلمت مع امي قالت وش تبيني اسوي اذا دقت علي قالت لي قولي لعيالك او ابوك قالي قولي لههم او حتى هو قالهم جيبو لخالتكم او ودوها ومن ثم ما لبو ها الطلب لظرف نا يمين مثلا او عندهم شي اذا رجع ابوك وما لقى ها الشي ملبى على طول يجي لي ويهاوشني وياهم يا ليته يهاوش العيال لا يهاوشني انا اولا يقول انتي الي مخربتهم ومدلعتهم
قرانيا
•
الله يعين امك
لا صعبة اخوانك يصرفون خالتك لانها رح تقول لابوك وابوك بيهاوشهم ويمكن يدخل امك بالسالفة وهي مالها ذنب
انا اقول لوتكلمين اخوانك وتحزنينهم على امك يعني تقوليلهم امي تحزن فوق ان ابوي متزوج عليها الا انها ماتقصر بطبيناتها ودايم تخدمهم وهي محد حتى يفكر فيها وهي مريضة ..... ومن الكلام هذا ... عشان يريحونها ويشوفون طلباتها
وبعد قوليلهم يقولون لخالتهم انها لاتتصل على امك اذا بغت شي تتصل عليهم مباشرة على اساس انه من باب انه احنا مثل عيالك مافي داعي لوسيط او انتي قوليلها طبعا هذا الكلام عشان خالتكم ماتسوي مشاكل لامك
ويلا ماشاء الله عليك انتي فيك الخير بإذن الله لامك
لا صعبة اخوانك يصرفون خالتك لانها رح تقول لابوك وابوك بيهاوشهم ويمكن يدخل امك بالسالفة وهي مالها ذنب
انا اقول لوتكلمين اخوانك وتحزنينهم على امك يعني تقوليلهم امي تحزن فوق ان ابوي متزوج عليها الا انها ماتقصر بطبيناتها ودايم تخدمهم وهي محد حتى يفكر فيها وهي مريضة ..... ومن الكلام هذا ... عشان يريحونها ويشوفون طلباتها
وبعد قوليلهم يقولون لخالتهم انها لاتتصل على امك اذا بغت شي تتصل عليهم مباشرة على اساس انه من باب انه احنا مثل عيالك مافي داعي لوسيط او انتي قوليلها طبعا هذا الكلام عشان خالتكم ماتسوي مشاكل لامك
ويلا ماشاء الله عليك انتي فيك الخير بإذن الله لامك
امك تقول لابوك انا مالي دخل انا ما اقواهم هذوليهم عندك وسو اللي تبي انت وياهم انا مالي شغل ..
الصفحة الأخيرة