بسم الله الرحمن الرحيم
السلام عليكم جميعا يابنات
ابحكي لكم قصتي بدون خجل وابي منكم بس حل يرضي الطرفين بكل احترام بدون تجريح ولا قله ذوق
الموضوع ومافيه اني تزوجت من فتره طويله ولله الحمد 00
زوجي لما تزوجني مالقى له من يوقف معاه بأمور الزواج رغم وجود الأب والأخوه
زوجي صرف كل مايملك عشان اهله باع سيارته عشان يطلع اخوه من السجن
وجلس بدون سياره
وكان متوقع ان اهله بيفزعون معاه بأمور الزواج 00 مع ان ابوي الله يرزقك ويسعده ماكلف على زوجي بشي
لدرجه انه قاله تجي تأخذ زوجتك بعبايتها بدون حفل ولا خرابيط ووفر فلوسك لك انت وزوجتك احسن من الخربطه
وجاء موعد الملكه وزوجي مامعاه قيمه المهر اللي هي خمسه وعشرون الف
دفع لي فقط 5000 الف وعشرون قبل الدخله 00 وجات ليله الدخله وزوجي مادبر المبلغ
تعاطف معاه ابوي وقاله خلاص العشرين الف دين في رقبتك لبنتي وشهدوا الشهود
رحت مع زوجي لعشه الزوجيه وكانت عباره عن شقه خرابه والحمد لله تم استأجرها من قبل الجمعيه الخيريه
الله يجزاهم خير
والأثاث كان مستعمل وشبه معدوم ايضا من الجمعيه الخيريه
اما غرفه النوم كانت عباره عن سرير نفر وكنت اتزاحم فيه انا وزوجي والحمد لله كنا مبسوطين ومرتاحين
زوجي ماشاء الله عليه طيب وخلوق وعمري ماندمت اني ارتبطت فيه حتى وهو معدم ماديا
طبعا بتقولون ليه اهله ماساعدوه واكيد انهم مش راضين على زواجه
بقولكم انهم راضين تمام الرضى ولكن قبل الزواج كل واحد منهم طق الصدر وقال ابشر بالفزعه
ولما جات لحظه الصدق كلن تخلى
المهم يابنات اني الحمد لله عشت مرتاحه ومبسوطه مع زوجي
صحيح علينا ديون بس الحمد لله
اللحين ياربي لك الحمد والشكر ترقى زوجي وصار راتبه احسن ولله الحمد
وطلعنا من شقتنا القديمه
وسكنا بشقه احلى وانظف وزوجي مسكين من فرحته راح يبشر اهله انو ترقى وصار راتبه احسن
تدرون وش صار 00
طبعا امه طالبته بمصروف لها 00
وانا وربي شاهد علي وعالم بنيتي اني قلت له حاول تعطي امك كل شهر اللي تقدر عليه
لكن
انا الى الأن ما اثثت شقتي لدرجه اني لما اجي افرش سفره الغداء احط تحت السفره بطانيه عشان
اقدر اجلس انا وزوجي نتغداء
بدل جلوسنا على البلاط
علما بأن المكيفات من فاعل خير
والغساله والثلاجه من فاعله خير
والحمد لله
وغير هذا كله زوجي الى الأن ماعنده سياره
ومديون ل10 اشخاص كل واحد يطلبه 500 ريال
و4 اشخاص 1000 ريال
وشخصين 2000 ريال
هذا غير دين البنك وهو ميه وعشرون الف ريال
وغير ان احنا لنا 6 شهور ما اثثنا بيتنا
وبعد شهر لازم نجمع لقسط الأيجار الثاني
علما بأن ام زوجي على ذمه رجال حي يرزق يستلم 10 الف ريال
وعندها ولد موظف وعنده بقاله ولا عليه اقساط واعزب
وتتعالج مجانا بتأمين ابنها
وانا اشوفها تصرف فلوس عيالها على مطاعم ومقاهي وطلعات وسوق
واشوف ان احنا اولى بالفلوس منها ولكن خوفي من ربي اني اظلمها قلت اكتب لكم السالفه وانتو الحكم
انا قلت لزوجي 00
اثث البيت كل شهر شي بسيط وادفع الأجار
وسدد ديونك اللي يطالبونك بها اخوايك بعدين عط امك كل شهر 500 ريال
فقال ماعندي استطاعه اعطيها 500 وانا محتاجها اكثر منها ولكني اجبرته
شرايكم يابنات
علما بأني من تزوجت وانا مالبست خاتك ذهب ولا حظرت مناسبه عشان ما اكلف على زوجي
وعلما بأن زوجي لايملك سياره ولا بيت ولا رصيد واكثر من كذا مديون لكل من يشتغل معه في دوامه
وابوه يصرف امواله على خرابيط اما اخوه الثاني فهو اعزب وعنده بقاله وموضف براتب حلو الله يبارك له
وكل عذرهم بالموضوع انو انت ماعندك عيال واكيد ماعندك مصاريف
وانا والله اني اكتب لكم وثلاجتي فااااااااااااااااااضيه
والفواكه من تزوجت مادخلت بيتي الا من الناس والذبيحه مادخلت بيتي ابد
انتظر ردودكم يابنات
دبدوبه موت @dbdobh_mot
عضوة جديدة
يلزم عليك تسجيل الدخول أولًا لكتابة تعليق.
يارب تيسرها
•
الله يعينك اختي وان شاء الله يرزقك على قد نيتك
الله يكون بعونك ويفك عنكم الكرب لازم يفهم امه انا ماعنده شي الا لما يسدد ديونه هذ حق ناس لازم يرده بعدين يعطيهاا مصروف 200 ريال تكفي اذ عندها زوج وش تبي بعد
والله يسهل امرك ويعوضك عن كل يوم صبرتيه مع زوجك وكثري من الاستغفار وقراءة سورة الواقعه
والله يسهل امرك ويعوضك عن كل يوم صبرتيه مع زوجك وكثري من الاستغفار وقراءة سورة الواقعه
انا أشوف انه أول شيئ يئسس حياته وبيته يعني يفرش البيت ويسدد ديونه
ويشتري سياره ترى الدين مذله بالنهار وهم وسهر بالليل ....
وينعم على نفسه بما انعم الله عليه (واما بنعمة ربك فحدث )
بعدين يلتفت للامور اللي حوله يعطي امه وعليك كلكم ملزومين عليه
اما يصرف على امه اللي بالاساس مهي محتاااااااااجه لريال واحد اعتقد شور مهو حلو
لو محتاجه ماني خالف الله موسع عليها المفروض ابوه واخوانه ماخلوه يحتاج للناس
والله دنيا !!!!الاخ محتاج وماعنده حتى الاساسيات وهم يلعبون بالفلوس ؟؟؟؟؟
يوووووووووه ياكثر أمثال قصتك في مجتمعنا ............
الله يوسع علينا وعليكم ...اتنمى اكون وصلت فكرتي باسلوب مايضايقك ...دمتي بود عزيزتي والله يكثر من أمثالك
ويشتري سياره ترى الدين مذله بالنهار وهم وسهر بالليل ....
وينعم على نفسه بما انعم الله عليه (واما بنعمة ربك فحدث )
بعدين يلتفت للامور اللي حوله يعطي امه وعليك كلكم ملزومين عليه
اما يصرف على امه اللي بالاساس مهي محتاااااااااجه لريال واحد اعتقد شور مهو حلو
لو محتاجه ماني خالف الله موسع عليها المفروض ابوه واخوانه ماخلوه يحتاج للناس
والله دنيا !!!!الاخ محتاج وماعنده حتى الاساسيات وهم يلعبون بالفلوس ؟؟؟؟؟
يوووووووووه ياكثر أمثال قصتك في مجتمعنا ............
الله يوسع علينا وعليكم ...اتنمى اكون وصلت فكرتي باسلوب مايضايقك ...دمتي بود عزيزتي والله يكثر من أمثالك
الصفحة الأخيرة