يتكلم معاها بلماسنجر بالغرفة اللي جمبي ..

السلام عليكم ورحمة الله وبركاته ..

كيف حالكم اخواتي الحبيبات ..

الله يبارك لكم في رجب وشعبان ويبلغني ويبلغكم رمضان ..

وعساكم من عوادة ..

مااطول عليكم .. بس حبيت اشارككم بيومي واللي صار معايا اليوم ..

تخيلوا يابنات اليوم لو رد علي ابويا كان انا الحين في هم ونكد ..

على مااظن ان اكثركم يتذكر زواج زوجي العام الماضي ..

المهم بعد ماترك هذيك الحرمة في العيد الماضي وهو صاير مثالي معايا لدرجة اني اتعودت على طيبته مرة ثانية
وقلت خليني انسى الايام السودة وشكلها كانت عين والحمدلله راحت ..

رجع هذه السنة وفجأة وبدون مقدمات صار يلمح انه يبغا يتزوج وطبعا انصدمت وزعلت مرررررررة وكتبت لكم
ومن كلام اخواتي رجعت لعقلي وحاولت اصبر نفسي واتوكل على الله ..

والآن عرفت واتأكدت ان زوجي على علاقة بوحدة ثانية غير حقت العام تخيلوا بالله
هذا مايبلع ريقه . مايرتاح .. ول ..
من فين يلاقي كل هذول ورا بعض ..
والله شئ يحرق الدم .. تعبت تعبت تعبت .. خلاص والله شئ متعب ومدمر للنفسية ..
طيب المهم انا عرفت وسويت نفسي ماعرفت .. وسايبته على راحته المهم قبل كم يوم رحت عند امي وبت عندها وجيت ثاني يوم .. وفي الليل لمن زوجي نام على الساعة 2 يرن التلفون وارد والاقي وحدة بصوت مااااااااااايع الله لا يبارك فيها حسبي الله عليها .. رخت في وجهي وانا ولا كلمتها ..

شوي وانا قاعدة ارسل ايميلات رسلت واحد لزوجي والقاه كاتب رسالة شخصية ( كل سنة وانتي طيبة )
وانا عيد ميلادي اخر السنة ..
يعني مو لي ..
ولمن واجهته بالاتصال مسح الرقم من التلفون .. شوفوا الوقاحة ولمن قلت له على الرسالة الشخصية يبغا يضحك مو قادر ويقولي انتي من فين شفتيها ومتى وكيف وليش ..
مو عارف اش يقول ..
كرهته .. وااله ماادري انا كرهته ولا كرهت مين .. كل مااقول راح اطنشه ..راح اعيش حياتي ..
كل مااقول لنفسي الدنيا فانية و ماراح اخذ الا عملي .. كل مااصبر نفسي .. مااقدر اكمل لااخر خلاااااااااص تعبت
احس حياتي كلها خيانات في خيانات تطلع وحدة تدخل وحدة ..
ويقول انتي مو منقصة علي شئ .. وعندنا اطفال والحمد لله
واحس انه يحبني لانه يجنن لمن اقول له انا اراحية لأهلي يقعد يكلمني بالسيارة ويداعبني بس عشان ارجع ..

حتى لمن مرته الثانية العام خيرته بيني وبينها اختارني انا ..

ويقولي هذول( شرا...) زي مايروحوا زي مايجوا ولا وحدة تفرق معايا ..
احسه مريض نفسي .. مايقدر يعيش بدون ماتكون فيه وحدة يكلمها كل ما خرج من البيت ..

المهم اليوم قلت خلااااص بروح لاهلي بلا ردة بعد حكاية الاتصال وكمان هذه اليومين مو طايقني ..
وسويت خيرة من امس على الطلاق .. صحيت من النوم لقيت الوضع مثل ماهو .. مابنكلم بعض .. وخرج العصر مع اصحابه وقلت هذه هي.. هذا معنى الخيرة مادام ماكلمني ومه طايقني خلاص .. وقعدت محتارة يارب اتصل ولا لا
وفي الاخير دقيت على زوجي ..قلت اخر محاولة معاه وكلمته ولقيته يزعق ويقول انتي شتبي ..
وقالي اقلبي وجهك ورخا في وجهي .. انا قلت خلااااص مابدها ..
واتصلت على ابوي على اساس الم عفشي واروح .. الحمد لله ان ابوي مارد .. كان نايم .. بعد شوي جا زوجي اتفاجأت انه جا لانه طالع مزرعة مع اصحابه اتريه جي ياخذ الاستريو وقلت الحمدلله ان ابوي مارد لو جا زوجي وشافنيوانا الم عفشي راح تصير مشكلة مرة كبيرة..المهم وكنت مسدوحة انا وبنتي على السرير وما اصحى الا ينفتح الباب وهوداخل يناديني وسحبني من رجلي على بالي يبي يضربني وقالي لمن اجي في الليل اتفاهم معك خلاص لا تزعلي ..

لكني محتارة في امري لانه هذا طبعه ولا راح يتغير ولا راح يترك المكالمات ..
الحين لمن يجي في الليل راح يضحك علي بكلمتين وبس وترجع حليمة لعادتها القديمة ..

انتو شرايكم .. عارفة اني طولت بس والله والله محتارة ..