السلام عليكم ورحمة الله وبركاته
حبوباتي بنات عالم حواء
مدري ليش ضاقت فيني الحيله
بس ذكرت ان لي اخوات بعالم حواء
يمكن وحده على يدينها تفك ضيقت ايتام
السالفه وما فيها اني كنت طالعه لمركز بشرى اللي بالرياض
كنت رايحه مع امي بتاخذ شغله وبنطلع
اول مادخلنا قلت لامي بجلس بالكفي وانتي روحي خلصي شغلك
جلست وكان اول العصر السوق فاضي
وفيه بالطاوله اللي جنبي بنت يعني يمكن عمرها 30 ومعها 3 اطفال
وحززززززينه بشكل فظيع
بس انا ما حبيت اجلس اطالعها خفت احرجهاااا
طلبت لي كفي وقطعة كيك ومويه >>دوبااااا ههههههه
ولدها جلس يطالع الكيك ويصيح على امه ابي زي هذي ابي زي هذي
يقصد كيكتي وامه تحاول تسكته
والولد ابي كيييييييييييييييييييك
عاد بصراحه ما قدرت اكل وهو مشتهيها رحمته
بغيت اشتريله بس خفت الام تتضايق
ناديته وقرب عندي وجلست اقولها ماشاء الله هذا ولدك
قالت ايه الله يصلحه
قلت تعالي عازمتك على كفي تعالي وسعي صدري
ردت بابتسامه وبعدين قرب الولد مني وجلسته على الكرسي
قلت يحليله ولدك لبى دعوتي وبيتقهوى معي
المهم جت وهي مستحيه وجلست وطلبنا من الكفي وعيالها ماما نبي هذا ونبي هذا قالت والله ناسيه البوك بالبيت
قلت عادي خليهم يشترون وش راس مالها وانا عازمتهم
ياعمري حسيتهم جوعانين
المهم جلسنا نسولف وقالت ان زوجها توفى من سنتين
وانه توفى مديون وبعت ذهبي حتى اقضي دينه
واني ودي اتوظف بس مامعي شهاده
وان عيالي يحتاجون ومانلقى من يسد حاجتهم
وان اهل زوجي يوم توفى زوجي نسو عيالهم
وانا ما اقدر اصرف عليهم تتكلم وهي خانقتها العبره
:44::44:
شكلها كانت مخنوقه ويوم شافتني جلست تفضفض
المهم يابنات انا ما اعرف شلون اساعدها
ما اقدر اساعدها غير بالزكاة لكن جسيت نبضها ولقيتها ترفض الصدقه
هي تبي تدبر عمرها باي شي
يعني تصير تصرف على عيالها بنفسها
قلت لها اطبخي شعبي او حلويات
قالت مالي نفس بالطبخ طبخي مالغ ههههه حبيت صراحتها
قلت لها طيب تعلمي مكياج وصيري كوافيره اطلعي للبيوت والله يطلعون ذهب خصوصا بالمواسم :time:
قالت اخاف اطلع للبيوت ناس ما اعرفهم اخاف احد يتصيدني
قلت لهااا صادقه بهذي
قلت طيب تاجري بالنت
وانتي ببيتك تقدر تمولين بضاعتك
هنا اعجبتها الفكره بس قالت وشلون ابدا
عاد انا هنا تنحت لاني ما اعرف وشلون يبدون التاجرات بالانترنت
ووعدتها اسال واشوف الطريقه
يابنات من عندها فكره تكسب اجر هالايتام ؟؟؟
يابنات اللي ماعندها خبره ياليت اقل شي ترفع موضوعي
لان مشاركاتي محدوده
وان شاء الله نلقى الطريقه
حلآ نجد @hla_ngd_11
عضوة
يلزم عليك تسجيل الدخول أولًا لكتابة تعليق.
الصفحة الأخيرة
وجزاك الله خير على عطفك عليهم
***********