والله اللي شفته شي يحزن ويعور القلب :icon33:
طلعوا في الأخبار عن عايله إماراتيه عندها بنتين...
الأم والأب موظفين ومضطرين يبون خدامه حق عيالهم
وبدل الخدامه يابوا ثنتين وحده اثيوبيه والثانيه سريلانكيه على ما اذكر
البنت العوده كانت دايما تقول حق أمها إن الخدامه الأثيوبيه تضربها حيل على راسها والبنت الثانيه صغيره حليلها ماتعرف تشتكي
وتموا على هالحال 6 شهور... وعقب قرروا يحطون كاميرا مراقبه في الصاله
الخدامه الاثيوبيه هي اكثر وحده كانت تعذب البنات... وعلى أشياء تافهه
يعني إذا البنت الصغيره طلبت حليب ولا عصير تضربها وتهاوشها
تعلقها من ريلها وتفرها على الكرسي حييييل
والبنت اللي اكبر منها يوم تشوف هالموقف تروح تركض عشان تنخش في أي مكان
قسما بالله إن عيني دمعت يوم شفت هالشي وكيف كانت تصارخ عليهم وتضربهم بس عشان مايطلبون منها شي ويخلونها تطالع التلفزيون!!!!!
انا بعدني ماعندي عيال وفي بداية حياتي الزوجيه... وبعد اللي شفته البارحه قررت اقدم استقالتي اول ما الله يرزقني بيهال
محد بيكون أأمن على عيالي مني
الله يعين هالبنات والله الوحيد العالم كيف حالتهم النفسيه بعد كل ها اللي صار
قسما بالله شي يحزن
ماقول غير حسبي الله ونعم الوكيل
أحلى_إماراتيه @ahl_amaratyh_1
عضوة فعالة
يلزم عليك تسجيل الدخول أولًا لكتابة تعليق.
سارااا
•
لاحول ولاقوة الا بالله
اختي دخيلج لا تذكريني والله تراني معقده من الخدامات والحمدلله اني ماشفت امس اللي كان معروض لاني شفت بس لقطات الاعاده والبنت يوم تصيح وتزاقر ابوها وامها :icon33: والله قلبي تقولين طعنتيه بخنجر ولا قدرت امسك نفسي :(
الله يعينهم ويصبرهم على اللي شافوه تصدقين ريلي يوم شاف اللقطه شوي ويصيح وقالي والله لو تسوي وحده من الخدامات ببنتي مثل ما سوت هاي الخدامه مايكفيني اوديها الشرطه بثور فيها وبعدين ببلغ واللي فيها فيها :icon33:
الله يعينهم ويصبرهم على اللي شافوه تصدقين ريلي يوم شاف اللقطه شوي ويصيح وقالي والله لو تسوي وحده من الخدامات ببنتي مثل ما سوت هاي الخدامه مايكفيني اوديها الشرطه بثور فيها وبعدين ببلغ واللي فيها فيها :icon33:
شابورة
•
والله يااحلى اماراتية انا من بعد ماجيت كندا وفضيت لاولادي حسييييت براااحة .. وانا في السعودية
كنت مضطرة علشان دراستي واهلي مو معايا بالرياض .. لكن الحين حسيت ان اولادي
اولى .. والله قمة المتعة لما اشوف اولادي معتمدين علي انا في كل شيئ ومحتاجيني مو
محتاجين الشغالة او احد غيري .. ونويت اذا رجعت السعودية بالسلامة راح اكمل دراستي
انتساب عشان اكون معاهم على طول ..
الله يقدرني على تربيتهم ولا يحيجهم لغيري .. اللهم آمين ..
كنت مضطرة علشان دراستي واهلي مو معايا بالرياض .. لكن الحين حسيت ان اولادي
اولى .. والله قمة المتعة لما اشوف اولادي معتمدين علي انا في كل شيئ ومحتاجيني مو
محتاجين الشغالة او احد غيري .. ونويت اذا رجعت السعودية بالسلامة راح اكمل دراستي
انتساب عشان اكون معاهم على طول ..
الله يقدرني على تربيتهم ولا يحيجهم لغيري .. اللهم آمين ..
rawnd
•
اللهم احفظ فلذات اكبادنا اللهم انا استودعناك اطفالنا وانك لا تضيع ودائعك بالسماء ولا بالارض اللهم احفظم ياارحم الراحمين
والله متطرين للوظيفه يا بنات شانسوي لو راده على اقعد بالبيت بس الواحد عنده مسؤوليات الله المستعان
والله متطرين للوظيفه يا بنات شانسوي لو راده على اقعد بالبيت بس الواحد عنده مسؤوليات الله المستعان
الصفحة الأخيرة