لما يكون المكياج سبب احراج

هلا بنات حواء متى سبب لك المكياج موقف محرج اوفشيلة ببدا بنفسي واتحفينا بالي عندك

في زواج اخوي كنت حاطة مكياج تركوازي على برتقالي كان روعة واعجب الكل يوم خلص الزواج ورجعت البيت انتظر اعجاب بعلي الا يوم شافني قال بسم الله الرحمن الرحيم انتي رايحة زواج ولا حفلة تنكرية متنكرة بزي ساحرة :06: وعاد زوجي يكرة شي اسمة مكياج عاد انا من الفشلة دوروني قمة التحطيم بس الشرهة مو علية علي الي جاية اورية.

وهذا موقف لاخت زوجي كانت رايحة زواج ومكشخة الحرمة وجالسة بكل ثقة عاد هي حرارة و بسرعة تعرق راحت تعشت وهي رايحة تغسل كل ماشافتها وحدة تبتسم المشكلة مايعرفونها وهي مبسوطة الناس توزع لها بتسامات وتبتسم لهم لحد ما وصلت المغاسل وتناظر وجهها في المراية الا الكحل مسوي خطوط عمودية على الخدين وانحرجت وهنا عرفت سر الابتسامات غسلت المكياج وطلعت.

وهذا موقف لزوجة ابو زوجي هي ماهي كبيرة مرة خذوها معهم في زواج ولد بنتة المشغل وحطوا لها مكياج من درجات الاصفر على لون فستانها عاد الشايب رجع من الزواج بدري ونام وهي جات متاخرة ولا حس فيها ونامت يوم صحىيصلي الفجر جاء يصحيها يقول الا الحرمة قالبة صفراء يقول والله خفت ظنيتها ميتة ومن الخوف راح نام في غرفة ثانية يقول بنتظر للظهر ان قامت ولا كلمت العيال ههههههههههههههه يحليلة.

يلة اتحفونا