بنات الإمارات

السعر 260 درهم شامل الشحن إلى الإمارات

لأنه سعر الشامبو + التونيك = 160 ريال

وتكلفة الشحن أدفعهم للأخت بدرية لكل علبة تونيك + شامبو 40 درهم

يعني قولن السعر الأصلي ما بين 200 إلى 210 درهم

وأتكفل بمصاريف التحويل .. واللي الأنصاري ياخذ منيه 60 درهم

غير الروحة والردة كل مرة للأنصاري لاستلام الحوالات

لأنه ماشاء الله الخوات اللي يحولن المبلغ .. كل مرة دفعة من البنات يحولن المبلغ

ومن أستلم أشوف رسالة من كذا وحدة يبلغنيه بأرقام الإيصالات

هذا غير التعب واليلسة على النت ساعات ومتابعة الحجز

والمتابعة ويا البريد

وسيرة الآرامكس عشان أطرش طلبيات الخوات .. لأنيه أنا أسير لهم بنفسي


حبيت أوضح لكل وحدة تسأل

أنا سبق وكتبت هالشي في موضوعي

سعر التونيك + الشامبو = 160 ريال

شحنه من فرنسا للإمارات يكلف 40 ريال

(وأنا أدفع للأخت بدرية1 الشحن عن كل علبتين .. ما أدفع على حسب الوزن)

و 60 درهم أتصرف فيهن للتحويل والتوصيل وسيرات الآرامكس والأنصاري

ويبقى لي جزء كعمولة وأجر لتعبي


وأرد وأكرر

سبق وشرحت هالشي من خلال موضوعي

واللي حابة تطلب عن طريقي فالها طيب

واللي بتطلب من الأخت بدرية1 من فرنسا على طول بعد ما يضر

بيكلفها التونيك تقريبا ما بين 260 - 270 درهم شامل عمولة تحويل المبلغ

هذا غير سيرة المصارف والمتابعة ويا البريد وسيرة البريد وغيره


ربي يحفظكن

الله يوفقج اختي بدرية انتي و الاخت رومانوف اللي سهلت علينا
انا استخدمت 4 مرات الين الحين

و النتيجة ......................


















بعدني ماشفت الطول بس بتريا 28 يوم لاني صبورة







بس اللي شفته

















لمعـــــــــــــــــــــــــــــــــــــة رهيبة في الشعر و احسه يبرق و احسه صحي
امس استخدمته و طلعت و رديت البيت فتحت شعري ناعم و يلمع بصدق و امانة والله و بتريا 28 يوم و بشوف الطول و على فكرة اخاف يخلص المنتج او ما يكفي 28 يوم لان شعري طويل شو الحل :22:

يزاج الله خير ختيه الجوهرة وربي يوفق الجميع

وفعلاً

أنا ذكرت هالشي للخوات

الشعر عقب أول استعمال

لمعة رهيييبة للشعر وماشي تقصف ولا جفاف

والشعر يغدي طري وناعم نعومة حلوة


ونفس الشي بالنسبة للطول .. بتريا شراتج 28 يوم

وإن شاء الله أنا متفاءلة


أما بالنسبة أنه الشامبو والتونيك يخلصون

فأنا شراتج شعريه طويل وقلت يمكن ما يكفيني 28 يوم

بس أنا طلبيتيه موجودة في الدفعة الثانية إن شاء الله

لأنيه قررت ما أستخدم إلا هالتونيك وهالشامبو


وبنصحج

بالنسبة للشامبو .. حطي كمية صغيرة .. مب شرات كمية الشامبو العادي اللي نستخدمه

وشوفي الرغوة

يعني كمية بسيطة وتكفيج للشعر كله

لأنيه في البداية كنت أحط كمية شرات الشامبو العادي

والبارحة قللته شوي قلت بشوف

ولاحظت أنها هالكمية الأقل سدت الشعر كله وسوت رغوة

----------------------------------------------------

أشكرج على ذكر تجربتج وشهادتج

وإن شاء الله عقب ما نخلص الـ 28 يوم

بنزل موضوع نسجل فيه نحن بنات الدفعة الأولة تجاربنا

وأنا متفاءلة خير إن شاء الله


وربي يجزيها كل خير الأخت بدرية1 اللي سهلت علينا ووفرت لنا هالمنتج الروعة

اشكركي حببتي *الجوهرة* عن وضع تجربتكي الشخصية و صدقكي في مقالكي الطيب و ان شا الله حتي و ان انقطع ساحجز لكي حقكي و حببتي romanove توصل لكي كما العادة و شكرا جزيلا لكي

الطول ان شا الله سترين النتيجة قريبا لان لزم الصبر و استعمال التونيك كما يجيب يوم اه يوم لا

مشكورة اختي رومانوف و اختي بدرية بارك الله فيكم