تجنبي هالشي عشان ماتتعسر ولادتك

السلام عليكم ورحمه الله وبركاته

انا كل فتره اجي اسير عليكم وادور من هنا وهنا

واخذ خبره من البنات

ربي رزقني بالحمل

واشوفهم يقولون قرفه وزعفران و و و

وماشا الله من انفتح الرحم وانا اشرب

والتمر ماقصرت

بس الرحم عيا يتوسع

1 سم وبعدين عقبها بكم يوم1 ونص سم لاحظوا مع طلق صناعي

وحطولي بالمغذي وتعسرت

مالكم بالطويله الحمدلله بعد ترقيد اسبوع ولدت وهذي السالفه يارب لك الحمد من زمان

بس انا حبيت افيدكم لاني ماعمري قريت ابد عن الغلط الفادح اللي سويته

وللاسف محد نبهني الا بعد ماولدت

وهو يااخواتي لما يجيك الطلق لاتاكلين

لانه مع الطلق تحوووووم الكبد وتستفرغين

ومع انقباض العضلات يرقى الطفل

ولايتوسع عنق الرحم

وهذا اللي حصل معي

كنت اكل والاكل اللي اكله خفيف بس كان فيني طلق

وكنت اتضايق واستفرغ وهكذا جلست ايام كذا

والممرضات يبوني اكل علشاني تعبانه علشان اتقوى وسبحان الله مافادني

لذلك من قبل لايجيك الطلق حاولي تنظمين وجباتك

واذا بدا لاتاكلين

يعني اشياء بسيطه

بياله مويه

نص تمره

على شوي شوي

والله يهون على كل وحده حامل وكل وحده بتحمل

..

لاتنسوني من صالح الدعاء بالشفاء التام