أتمنى تردون عليّ في أسرع وقت ممكن ولا تطنشوووني الله يخليكم محتاجة مساعدتكم....

السلام عليكم ورحمة الله وبركاته

أتمنى تجاوبوني على أسألتي ضروري...
أتمنى تردون عليّ في أسرع وقت ممكن ولا تطنشوووني الله يخليكم محتاجة مساعدتكم....
الله يرزقها الجنة اللي بترد عليّ ويحقق لها كل أمنياتي ويدخلها الجنة يا رب...


*أنا بأفتح حساب في بنك الراجحي عشان بأتداول في الأسهم بس قالوا لازم 50.000 ألف؟؟؟ ليه؟؟ معقولة؟؟
أنا بأتداول في الأسهم إن شاء الله من الإسبوع هذا بس أبي يكون لي حساب شخصي من فين 50.000 ألف....

*إذا حولت الفلوس اللي بأتداول فيها من حساب جاري إلى حساب تداول يظل الحساب الجاري كما هو يعني الرواتب تنزل عليه وكذا؟؟

*يقدر صاحب الحساب سحب الفلوس من حساب تداول في أي وقت وإلا لا؟؟ لأن الحساب مو لي أنا؟؟

*عشان أبدأ في تداول الأسهم من بنك الراجحي هل صحيح لازم بـ 10.000 آلاف ريال؟؟؟ أنا اقول بأبدأ بـ 5000 آلاف ريال عشان أتدرب كبداية يعني؟؟؟

*رأس المال الـ 5000 آلاف مو حقتي مشاركة بيني وبين ناس بس بسأل.. كيف نتقاسم هل في الربح فقط لأن رأس المال من عندهم بس أنا فكرت إذا كان لي نصف الربح ماأستفيد شيء وأتفقنا أننا بعد كل 3 أشهر نشوووف الربح ونتقاسم بس أحسها قليلة؟؟ وش رأيكم؟؟؟

*الشركات اللي التداول فيها حلال كيف أعرفها؟؟؟ وسمعت عن شركة "طيبه" وش رأيكم فيها؟؟

*إحنا كانت عندنا أسهم في بنك البلاد والكهرباء والإتصالات بس ماتداولناها عن طريق الإنترنت وبعناها خلاص والحين بنبدأ التداول عن طريق الإنترنت بس لازم يكون لنا محفظة إستثمارية طيب هالمحفظة مو موجودة لنا يوم إشترينا هالأسهم وإلا لا؟؟؟ هل لنا يوزرنيم وباسبورد وإلا لا؟؟ مع العلم إننا ما أخذناها المرة اللي فات؟؟ يعني الحين لو طلبناها يعطوووناها؟؟

*سمعت إنه في ناس تكسب أحياناً في اليوم 140.000 ألف ريال هذه كيف؟؟ ماني قادرة أصدقها؟؟ وهل هالمبلغ رأس المال مع الربح وإلا الربح بس؟؟

*كيف أعرف إني ربحت مو أنا راح أشتري أسهم وينقص رأس المال وأبيعها طيب هنا الربح يكون قيمة البيع – رأس المال؟؟؟

أتمنى تردون عليّ في أسرع وقت ممكن ولا تطنشوووني الله يخليكم محتاجة مساعدتكم....
الله يرزقها الجنة اللي بترد عليّ ويحقق لها كل أمنياتي ويدخلها الجنة يا رب...
الله يعينكم عليّ وعلى أسألتي اللي ما أدري كيف بس الله يستر...