بيت الاهل بعد الزواج>>استوفي الردود

صبحكم الله بالخير عزيزاتي .. مادري كيف ابدا بالموضوع بس اراءكم تهمني لاني متضايقة وبشوف هل ضيقتي طبيعية ولا لا يمكن مزودتها ؟؟
عادة اذا وحدة اشتكت او استشارت البنات وخلال كلامها قالت انا ببيت اهلي لي مدة اول شي تقولون لها ارجعي وليش قاعدة كل ه الوقت سواء بزعل او غير زعل لا تعودين زوجك على بعدك
الشي الثاني انا لي اخوات متزوجات و حريم اخوان وكلهم ان جو زيارة لنا او راحو لاهاليهم - بالنسبة لحريم اخواني - مما يطولون حتى لو تكررت في الاسبوع تظل لها حدود ترجع بيتها ويقولون كان ودنا نقعد بس مانقدر نخلي البيت كذا وان كانت ظروفهم صعبة مايبغون يثقلون عليهم

مشكلتي .. لي اخت ساكنة بمدينة ثانية - مدينة من المدن الكبار فيا المملكة - يعني فيها كل وسائل الترفيه و التسوق موظفة يعني عندها زميلات متزوجة وعندها عيال يعني عندها اقارب وبيت وعيال وبيتها ملكها بعد ماخرجت من الايجار اتفقت مع زوجها ينقلون بيت ملك هي اشترته من حر مالها ونقل البيت هذا جديدد يعني سنتين تقريبا
اختي هذي كل اجازة تجي ماتخرج الا والاجازة منتهية اول كانت لحالها وماتوظفت وماتبغى مشاكل مع زوجها تحسسنت امورها لدرجة ان لو زوجها زعل مو هي اللي تطلع لانه بيتها

الادمية جات الاجازة هذي من قبل لا ينتهي الددوام الى اليوم الي اكلمكمم فيه ماراجت وبصراحة انا مليت والبيت ضيق مزاحمة في كل شي .. على عيني اللي بتقول السعة في النفوس بس الكلام هذا لو جالسة يومين اسبوع عشر ايام بس اكثر من شهرين بدون عذر لا مرض لا نفاس لا زعل ؟؟ ايش يتسمى هذا؟؟
انا و خواتي في البيت موظفات ي البيت و الاجازة بالنسبة لنا راجة مو قادرين نرتاح
عندنا غرفة للضيوف اللي زي حالتها ت-يباتون كم يوم - فيها كل شي فرش وتلفزيون ونت تتركها وتقعد في الصالة ياجماعة نفسي اشرب قهوة على رواق في الصالة من غير قلق مو قادرة اذا في سر بيني وبين وحدة من اخواتي وجالسين نتكلم بشويش تجي ترز نفسها وسطنا ولا تستهبل تسوي نفسها جاية تاخذ منديل ولا شي مادري ايش بها ولو كانت بعيد تشارك في الهرجة كيف سمعت هذي ؟؟

تحملنا طول الاجازة وقلنا السنة هذي اجازة شوال مطولة وكل يوم اصحى من النوم على امل القاها راحت لانها حزمت شنطها من بدري من ثالث العيد تقريبا وزوجها يجي وهي تصرفه يجي تصرفه طيب وبعدين ؟؟
ترى الاطفال مو مزعجين .. العكس حبوبين مرة . بس وجود شخص ماعاد من افراد البيت قاعد عندك بدون سبب يضايق
زي لمن المتزوجة تقول اخت زوجي عندي او ام زوجي وتكون مضطررة ماعندها مكان ثاني انتي عارفة انها مضطرة و غصبا عنك تتضايقين وتتمشكلين معها و ترجعين تلومين نفسك تصرفات لا ارادية ايش حال لو متأكدة ان ماعندها عذرغير انها تتونس كأن انتي مو من حقك ترتاحين ؟؟

على فكرة انا قعدة الصالة بالنسبة لي فسحة وراضية فيها ايش ماككانت ومع ذلك مو قادرة جاملت طنشت تجاهلت بس زاد الوضع شهرين مرة كثير الاجازة بتخلص
قلت يمكن انا نفسية و مزودتها بس محد معبرها في البيت الا امي و كمان مو طول الوقت يعني شوي تقوم عنها تطفش تقوم تشغل نفسها بأي شي وهذي متركزة في الصالة طيب روحي زوري صاحباتك ع الاقل نحس ان وجودك له معنى ولاااااااااااااا شي

يمكن انا معصبة عشان الدورة مقربة و الوضع طبيعي كذا ؟؟