بسم الله الرحمن الرحيم ..
اخواتي اللي زي حالتي ( وغالبا اهل الرياض ) لازم استقبال مستشفى ..ومفرش ,, وروب فخم .. وقهوه وشاهي وصبابه وعصيرات و .. و... و.... يعني ناويه تستقبلين بالمستشفى وتدهرين وشااااايله هم التجهيز وخلافه .. ابشرررررري جاك الفرج ..
عندي مفرش سرير اتعب وانا اقول حلوووو وو فخم و رااااقي بمعنى الكلمه .. واستخدمته 10 ساعات فقط ..يعني اقل من يوم .. استخدمته في المستشفى فقـــــــــط وربي انه جديييييييد ومره متحسفه فيه اني استخدمه بالبيت .. والله ثم والله اني ما استخدمته الا في المستشفى وزي ما قلت ساعات معدوده .. وانا الحين عارضته للبيع .. انا كلفني فوق ال 2300 ريال واخذته من Room@.. وابغى ابيعه بأسرع وقت لأنه مضيق علي بالبيت خخخخخخخ ..
مقاسه نفرين .. كنج سايز .. اللون اوف وايت ( كريمي ) وفيه ترتر عدة الوان فوشي و موف واورانج ..وموزع بطريقه راااائعه في غاية النعومه والفخامه بنفس الوقت وانا اضفت له خداديات صغيره نفس الوان الترتر واكسسوار كرستال.. القماش مو قطن .. القماش اورقانزا على ستان .. يعني مررررره فخم .. البيع بطريقة المزاد ..يعني البيع لأعلى سعر ..ويبدأ من 1500 ريال ..اللي حابه الصور والتفاصيل على الخاص ..ماحبيت اعرضه على العام حتى لا يفقد بريقه .. وايضا للعرايس ترى ينفع مره مو شرط ولاده
ملاحظه : ايضا يوجد روب استقبال مكون من قطعتين قميص و روب طويل وراكب مره مع المفرش ..ونفس الحكايه مالبسته غير بالمستشفى ..وربي انه معلق بالدولاب من ذاك الوقت الى الحين جديييييييد.. لونه سكري اوف وايت وعباره عن دانتيل فرنسي والاطرااف مشغوله بتطريز وردي فاتح .. برضه فخم مررره من عند السيد اللي بشارع التحليه .. اخذته ب 800 وناويه ابيعه ب 500 .. والصور على الخااااص.. والأولويه للي بتاخذ المفرش عشان ترتاح مره وحده ..
واي استفسار انا حاضره .. وارجوووووووووكم فقط الجاده تراسلني لأني مره مشغوله .. اللي عندها استعداد تشتريه بهالقيمه حياها الله واللي تضيع وقت ارجو انها تقدر اني فعلا ماني فاضيه الا للجادات فقط ..
اكرر .. للجادااااااات فقط .. والله على مانقول شهيد ..
يلزم عليك تسجيل الدخول أولًا لكتابة تعليق.
مع اني مستحيل اشتري فرش سرير بهالمبلغ بس والله الغالية لو مكانج ودفعت فيه كل هالمبلغ باستخدمه في بيتي وفي غرفتي انا وزوجي لين اطلع قيمته.
بعدين الله يهديج استعرضتي فيه جدام الناس واستخسرتيه في نفسج وفي زوجج؟!!!!!
الا اذا انتي ((محتاجة)) تبيعينه فهذا شي ثاني.
بعدين الله يهديج استعرضتي فيه جدام الناس واستخسرتيه في نفسج وفي زوجج؟!!!!!
الا اذا انتي ((محتاجة)) تبيعينه فهذا شي ثاني.
الصفحة الأخيرة
بشتري لي مفرش ما يتعدى 300 ريال وبستخدمه 5 ايام
ان الله لا يحب المسرفين
الله يغفر لنا ولك