شوفوا زوجي وش قال عني اليوم

السلام عليكم
بداية ابغى اشرحلكم وضعي باختصار انا ام لطفلين
وعندي بيتين. ونسكن فيهم كلهم بحكم عمل زوجي نسكن شقة ايجار 5 ايام بالاسبوع
وبنهاية الاسبوع نروح لمنطقة اهلي واهله وعندنا بيت ملك هناك تقريبا دور
وطبعا مافيه استقرار مثل ماشفتوا وانواع الحوسه هنا وهناك مع هالاجواء مهما كرفتي مابين بلحظة ينمحي مجهود وتعب ساعات وغير كذا بنتي صغيره 7 شهور ودايما دلع ودموع وماتنام ابد خلال النهار
عجزت انظم حياتي وبيتي هنا وهناك ومطالبه بغدا وعشاء وغسيل وترتيب وكنس وتمسيح وووو وفوق هذا كله والاهم مايبيك تعصبين وتتنرفزين
فكرت اجيب شغاله عالاقل لين تكبر بنتي شوي وتخف عني بس هونت بأخر لحظة لانه هو مايبغاها بالبيت يقول اجيبه لك عشان اريح راسي منك بس تراي كارهها ولا اطيقها
غير كذا خفت اتخسر عليها وبعدين تجي وحده ماتعجبني او اتوهق فيها وشلت الفكره نهائي
بعدين قلتله خلينا نغير وضعنا شوي نجلس ببيتنا بدل 5 ايام نجلس اسبوعين وبنهايتهم نروح لبيتنا الثاني بس هو رافض الفكره يقول مااحب اجلس هنا غير للشغل وبس غيره مااحب
هو يشوفني وشلون اتشكى من الشغل والغبار وبنتي اللي مجرد ماامسك شغله علطول تشتغل فيني وصياح وصراخ وعشان يخفف عني يقول ماابي شي لاتطبخين اجيب من برا ناكل خفايف
اللي ماتلحقينه اليوم سويه بكرا بس انا مااتحمل ولا اصبر احب النظافه احب بيتي يلمع وريحتة حلوه بس بنتي الله يصلحه مو مخليه لي فرصه ابد ويوم عن يوم يتراكم الشغل علي وتتعب نفسيتي بزياده واعصب واتنرفز واتشكى
اخرتها اليوم وش قالي كل الحريم يشتغلون ولا يقولن شي بس انتي اللي تتشكين
قهرني حسيته مو حاس فيني واني اتكلم من دلع او فراغ
شوروا علي تكفون انا على حق او ابالغ
ولو انتم محلي كيف راح ترتبون وضعكم
وبالاخير وش رايكم بموقف زوجي قبل والان