طريقتي سهلة بدون تنقع في بهارات وليمون لعدة ساعات ولا حاجة ..
سلقي الدجاجة لمن تستوي .. وتالي قبل ما تطفين عليها حطي عليها ملح وليمون وبهارات البروستد .. وخليها عشر دقايق ولا ربع ساعة ..
تالي شيلي الدجاجة .. وسوي خلطة بيض وروبة مع ملح وكمون ودارسين .. وتالي حطي الدجاجة فيها وتالي بالبقصم وتالي اقليها بزيت غزير لمن تتحمر .. وخلاص ..
بروستد الربيان اللذيذ ..
وعذراً اذ لم اصور خطوات العمل ..
اليكم الصورة النهائية واتمنى ان يعجبكم ..
وطريقة العمل : ربيان منظف ومسلوق شوي .. وتالي نقعوة في خلطة ..
الخلطة عبارة عن علبة روب مع ملعقة كاتشب وعصير ليمونه وحدة وحطوا عليهم بهارات كمون ودارسين وبزار بحريني وفلفل اسود وخلوه مدة ساعة ولا اقل .. تالي كسروا عليها بيضة وملعقة صغيرة باكينج بودر ..
تالي خلطوهم عدل وتالي طلعوهم من الخلطة وغطوهم في بقصم ناعم واقلوهم بالزيت ..
وهذا النتيجة ..
وبالهناااء والعافية ..