كلنا لعبنا بجرس الانذار لما كنا كبرهم

السلام عليكم ورحمه االله وبركاته

.......................

اليوم الجمعه كان الغداء جماعي مع العائله الكريمه وعقب الغداء قعدنا نسولف عن احداث الاسبوعين الاخيره :44:

من قتل العروس عائشه :( الله يرحمها ويغفر لها مرورآ بحافز الى ان انتهى المطاف بسالفه براعم الوطن :icon33:

والمفأجاه كانت


الا فاجعه مو مفأجاه :mad:

ان كل البنات اللي قاعدين صغار وكبار واللي مو هي تعرف بنات .... كانوا في المدرسه يسون مثل ماسوا البنات
ويتحرشون بجرس الانذار :44: بقولهم ( كلنا لعبنا بجرس الانذار )

وحده تقول كنت دايم اكسر جرس الانذار والمدرسه كلها تختبص ويطلعون الساحه
وبعد مانقلت للمدرسه مبنى جديد الانذار صار حساس ( الجهاز الجديد ) مايصيح الا اذا شم ريحه وتقول كنت اشغل الشمعه واقعد ماسكتها عنده خخخخ استغفر الله بس


وحده 2 تقول اول ماجابوا الطفايات رحنا نجربها ----> قصدها يلعبون فيها ويردونها مكانها ولا من شاف ولا من درى
طبعا معروف الطفايه اذا انفكت مره وحده وضلت مفتوحه خلاص تصير غير صالحه للاستخدام مره 2


والمؤدبه فيهم قالت كنا نرش عطر ع جهاز الانذار يصيح شوي همن يسكت
وتقول بعد الدلو اللي عند المختبر كله تراب حق الحرايق كنا نخش فيه الممنوعات من جوالات وغيره :mad:
وكلهم ن يقولون الحمدلله ماصار شيء ولا كان قعدنا طوال عمرنا ندمانين

وليش يسون كذا يقولون نبي نجرب شيء جديد ونستهبل مع صديقاتنا مايعرفون العواقب



البنات والاولاد بهذا العمر لو محد يردهم يغلطون كثير

واحنا معروف عندنا تخللللف من ناحيه السلامه وهاذي الامور

انا كنت متطوعه مع الحرس الوطني في ترشيد الاطفال ع السلامه وكنا نقولهم بعض الاشياء البسيطه اللي المفروض الاهل يعلمون عيالهم هالامور وننصدم من جهلهم

وحده تقول انام والقيم بوي اخليه في الشاحن لما قلنا لا كذا غلط ونعلمها الصح قالت امي تقول عادي :44:

ورجال جاي مع اطفاله وما ان بدينا نعلمهم قام يقول لعياله ماعليكم منهم كذابين !!!!! :mad: يقول لا تخوفون عيالي مع ان اسلوبنا كان تعلم عن طريق اللعب


انا مقهوره من هالموضوع حددددي عندنا جهل كبير
وحده مرافقه مع زوجها بامريكا اول ماوصلت غطت جهاز الانذار بقسطير علشان لا سوت بخور مايصيح ---> الحمدلله والشكر اهم شيء عندها ريحه البيت طيب بخري وعقب شيلي القسطير


واكيد منكم يقول المدارس لازم تعلمهم وترشدهم صح انا معاكم وفي مدارس فيها الخير ومنهج العلوم للآبتدائي فيه بعض الاشياء

لكن لازم الاهل يكون لهم دوووور ودور كبير بعد
الاطفال يقتنعون بكلام اهلهم كثير الولد بأبوه والبنت بأمها
التربيه موش اكل وتوفير لبس وتدريس مناهج بس وانا ادري بالمقابل عوايل كثير مهتمين بهاذي الامور


وان شاء الله بسوي موضوع عن السلامه لتجنب الحوادث واثناء الحوادث بيكون موجهه للآطفال فقط
كتبت الموضوع سريع سريع بعد ماقريت ردود تنكر ان البنات تجيهم جرأه يتسببون بالحريق
.....







والسموووحه