كل الحلوات يدخلون ويساعدونا ..؟؟

السلام عليكم

ابكتب لكم مشكلة صديقتي ... المقربه مني جدا .. وابي رايكم :


صديقتي هذي الله يسلمكم ... خطبها واحد من الجماعه .... لكن العاده عندهم انه مايشوفها ولاتشوفه

يعني ماكو نظره شرعيه .... وخطيبها من جماعتهم ... وماتعرف عنه كثير

المهم صار ت الملكه وهو مايكلمها ولا يتصل عليها ولايرسل لها شي ولااخذ رقم جوالها ...

االبنت تبغى تعيش زي البنات فترة الملكه ( مكالمات ورسايل وحب ) ... وجابت رقمه ..

طبعا عادي يكلمها ويراسلها عندهم بعد الملكة ... بس مايشوفها قبل الملكه ابدا ... وبعد ماملكت تقول ماطلبو يشوفوني ... وماحد شاف الثاني

المهم البنت بدت تراسل خطيبها وتسال عنه .. واستمرت معه لخمس شهور ... لكن هو مو معبرها ابداا خلال هالشهور كلها


ولايرسل ولايتصل عليها ... وهي اللي تبدا معه دائما .. حتى البنت فكرت انه تفسخ الخطبه وترتاح ....


وكثير جرحها بكلامه واسلوبه ... وكان يقفل الجوال دائما ... واذا شافها متصل مايراسلها ولايسال عنها على الواتس


وقبل يومين تقريبا طلب منها ان يشوفها ... والبنت ارسلت له صوره لها ...

الغريب في الموضوع ان الرجال انقلب 180 درجه ... وصار هو اللي يرسل ويستفسر وكل اشوي يتصل عليها خلال هاليومين


وصار الرجال رومانسي وكلامه كله غزل ودلع ... طبعا بعد ماشاف صورتها ...


احد يقدر يحلل شخصيته :

قبل الصوره كان انسان جارح ثقيل دم غير مهتم ... وبعد ماشاف الصوره .. صار الرومانسي العاشق الولهان .

البنت ماشاء الله عليها فيها حلى ودلع ..



يعني ماحبها الا من شكلها ... لكن اسلوبه قبل مايشوفها كان غريب وممل

اتمنى تساعدونا بارئكم ... لانها خايفه من تغيره المفاجئ وخايفه ان اسلوبه اللي قبل الصوره هو اسلوبه الاصلي واللحين يتصنع ..
.
سؤال مهم \

..هل الرجل يحب بالنظر وبس ؟؟؟

بانتظار الحلوين