حبيبتي انا ولدي عمرة ست سنين ونصف ولايتكلم ولاكلمة الله المستعان اتعمل الحمام قبل سنتين ولله الحمد
بعد بحث وتقصي في النت عرفت ان اهم نقطة ان الطفل يكون يشعر بالاخراج ابعض يقولان الطفل يضحك واو يصرخ اثناء الاخراج
وقبل كل شي بدأت من وعمرن ثلاث سنين ونصف بتهيأته للحمام
اولا كنت اغير كل يوم في الحمام الين اتعود ان مكان تغير الحفاظ هو الحمام
لما اخلع منه الحفاظ كنت اجلسه على الحمام في البدياة بكى كثير تحملي وخليها دقيقتين ولعد كذا زيد الفترة بالتدريج وخمس دقائق تكفي حتى لو ما سوى شي كل يوم كنت اسوي نفس الشيء الين في وم بالصدفة بال (اكرمك الله) ثم مدحته وثنيت عليه وصفقت وهكذا دائما لما اجلسه ويخرج شي امدحه
وبعد كذا صار كل ما اجلسه على الحمام يحاول يتبول واستمريت على هذا الحال سنة وشهر تقريبا دون كلل اوملل
الين لاحظت ان لما يبول وهو لابس الحفاظ لو يلعب او يأكل يقطع اللي يسويه ويقوم يبول في الحفاظ وهو واقف وشفته يتحسس الحفاظ وهو يبول وهذه اشارة انه اصبح يحس وجاهز للتعليم والبعض اشارته ان لما يمتلي الحفاظ يضايقه ويحاول يخلعه
لو ما صار جاهز لا يمكن تعليمه
وبعد كذا شهر خلعته الحفاظ وكان صيف وشلت السجاجيد اللي في البيت وكنت كل شوي اوديه الحمام يبول واممدحه لما يبول وكل ما يبي يبول في ركن من البيت اجري به للحمام ونفس الشي بالنسبة للبراز كل ما يبي اجري به للحمام هي صعبة بس اتفرغت له شهر وانا وابوه اتعاوننا الين نجحت معاه واول مرة عملها في الحمام لوحده والحمدلله رب العالمين

خطوة البراز نسيت اقول لك ان ابني كان يتبرز في الحفاظ واقوم اقرع الحفاظ في المرحاض الين صار هو مرة من المرات شال الفاظ وافرغه في المرحاض وبعد كذا قلت هنا البراز وشوي شوي فهم والله يعينك اهي خطوة صعبة لكن ممكنة

الله يعينك ويصبرك ويخليه لك .. الله يشفيه ويعافيه عاجلا غير آجل يالله ياسميع يامجيب اللهم اغثها وفرج كربها وازقها الصبر وراحة البال
انك على كل شي قدير..

اختي عافا الله ابنك وحفظه لك وعافاه
بالنسبه لقربي من هذه الفئة سبحان الله وجدت ان تجاوبهم مع الحمام يختلف ولاتقولين ولدي مايفهم لا سبحان كذا طفل يبهر المختصات بسرعه تجاوبه منهم من تجاوب بشهرين ومنهم من تجاوب بستة شهور يعني لو ماتجاوب بعد شهرين استمري بالتدريب وبمشيئة الله بيتعلم وانتي ادرى بولدك وطريقة تعبيره عن اخراج الفضلات كما ذكرت اختنا سميرة عافا الله ابنها
باختصار وغالبية تدريب اطفال التوحد تعتمد على الصور في البداية
صورة الله يكرمك التواليت فاذكر تجربه مع طفل كان يخلعون الحفاظ وكل عشر دقايق تمسك امه الصورة بيد وتقوله (يله حمام )
وتجلسه على الكرسي وبعد فترة تقول كنت احط القلم بجيبي لانه يحب الاقلام فاذا قام بالتبول افرح واضحك عشان يعرف اني مبسوطه واعطيه القلم كمكافأة وهكذا تقول لين صار يعملها بالحمام تبول فقط تقول استمريت على تجربة الصورة فترة 3 شهور وبعدها احضرت لعبة صغيره بشكل مجسم تواليت (تلقينها مع العاب البنات ) تقول اخذها بيدي بدال الصورة وبعد مايخلص احطها بمكان بارز في البيت فسبحان الله تقول صار اذا بغى الحمام يروح يمسك المجسم لانه تعود عليه وطفل التوحد روتيني
الآن تقول يروح الحمام لكنه مزاجي اذا زعلان مايروح لازم أمر واذا يلعب بشي ينسى نفسه فلازم اذكره واقوله روح للحمام
كذلك تقول اذا عملها على نفسه يقرف يروح للحمام ويرمي بنطلونه ويلعب بالرشاش كأنه غسل هههههههه ويطلع بس يقرف من روحه
وسبق انها صورته وهو على التواليت يتبول وتقول خليت ابوه يشوف الصوره ويصفق له وحطيتها فترة بغرفة الجلوس من باب التشجيع
وكذلك تقول خليته يشوف اخوه وهو يدخل الحمام
فلذلك انصحك صوري نفس حمامكم وغلفي الصورة عشان ماتخرب من الامساك بها وحطيها عندك بالصالة وابدأي معه ولا تتخاذلين لانه بكرا بيكبر ولبس الحفاظه مايناسبه ابد من ناحية البلوغ واكيد فهمتي علي ولاتنسين تكافئينه باللي يحب
واذا تحتاجين مشورة ارسلي لي على الخاص لاني احيانا ما ادخل المواضيع والله يفتح على قلبه

حبيبتي الله يعينك و يشفي ابنك و يطمن قلبك عليه