ليش تفرزنون ليش ماتطبخون بنفس اليوم تبون تعرفون ليش تفضلو

سؤال كثير نسمعة ليش تفرزنون ليش ماتطبخون بنفس اليوم الاكل يتغير طعمة انا حاطة موضوع وكنت اسال ممكن نفرزن الحلويات بنفس الفريزر مع الماكولات والمقالي وسالتني وحدة هدا السؤال وما حبيت ارد عليها بنفس الموضوع يمكن ماترجع للموضوع وتشوفة وحتى كثير يسالون بردود لمواضيع الاخوات يا اخواتي انا اللي اسالكم ليش
ماتفرزنون
ااقولكم حنا اللي نفرزن ليش نفرزن بس اولا للمعلومية انا هدا اول رمضان افرزن لة و مبسوطة كثير وادعي لبنات حواء السنعات اللي يحمسوني ويحطون مواضيعهم المهم يا طويلات العمر اول سبب العزايم المفاجاة ممكن يجي زوجي قبل الفطور بنصف ساعة يقول عازم رجال شفتة وسلمت علية وعزمتة تخيلي موقفي وانا مصلحة على قدي انا وزوجي :eek: وادا احد دخل بيتك لازم تكرمية انا من النوع اللي احط سفرة طول وبعرض تبارك الله وممكن ادا ماكنت مستعدة تكون فية:angry2: وثاني سبب متفقة انا وزوجي بادن الله راح يعزم اهلة الرجال بيوم وانا بيوم ثاني وطبعا من غير عزومات الاصدقاء والصديقات ثالثا لو تطلعلي زيارة مفاجاة مثلا تعزمني صديقتي في بيتها صعبة اروح ويديني فاضية رابعا ممكن لا قدر الله يوم اكون تعبانة :eek: او ضايق صدري بمعنى مالي خلق على الطبخ يكون عندي شي جاهز ولا تنسون ان فية ناس تتعب برمضان وماتتحمل الصوم يعني مافيها شي لو سووا شي قبل رمضان واحنا نسوي الصعب مثل الكبات والحاجات اللي يبيلها وقت واخر شي بقول اكيد برمضان راح نطبخ مثل اللي مايفرزنون لكن عن نفسي اللي مفرزنتهم لزنقات والعزايم وبس لانكم تعرفون العزايم يبيلها شغل وانا لوحدي :eek: وش رايكم يابنات معي حق والا لا رجاء عطوني رايكم بصراحة انا كتبت الموضوع لاني شفت كم وحدة تسال وانا صراحة استغرب من اللي تقول يتغير ويبين انة مو طازج بالعكس انا صحيح اول رمضان افرزن لكن صار لي تجربة يوم كانت عندي عزومة كبيرة تقريبا 20 شخص وصلحت انواع وحطيتها بالفريزر وماتغير وبالعكس كلن انجن على طبخي ويقولون عزيمة راهية واللي بقى ماقليتة كنت ادا جتني طلعة اخد واقلي وما ياخد مني ثلث ساعة ويستغربوا متى امداهاماشاء الله تبارك الله ادري طولت عليكم لكن حبيت افيد اخواتي اللي يستغربوا واقولهم جربوا مرة وشوفوا ادا ماكررتوا التجربة