شـــووق
•
دودو يا جميلة :
ألف سلامة عليكى وربنا يعوضك حبيبتى فكرتينى بنفسى كنت حامل وفى منتصف الرابع حصل لى إجهاض بدون سابق إنذار وعرفت أنه الجنين كانوا توأم عند الإجهاض فقط
أنا حاسة بيكى لإن نفسيتى كانت تعبانة جدا جدا كنت دايما أتألم لما أفكر أنى كان معايا أتنين أو كان هيجيلى أتنين وفى لحظة مبقاش ولا واحد
واهتميت جدا أنى أحمل بسرعة علشان أعوض الموضوع ده وركزت فيه جدا وقعدت كل شهر أنتظر الحمل لمدة 6 شهور بعد الإجهاض وأنا كل شهر أتمنى الحمل بس مايجيش لغاية ما عرفت أنى عندى مشكلة فى الإنجاب وفقدت الأمل فى الخلفة ودعيت ربنا أنه كل اللى يجيبه فيه خير ليا وأنه حرمانى من الحمل فيه خير لى وللجنين نفسه وسبحان الله الشهر اللى فقدت فيه الأمل فى الحمل وتوقفت عن انتظار الحمل حصلى فيه الحمل
فنصيحة منى ليكى حبيبتى :
أولا : لازم تقنعى نفسك أن اللى ربنا كاتبهولك هو اللى هتشوفيه وهو اللى هيكون خير ليكى
ثانيا : ما تغلطيش غلطتى وحاولى تدى لنفسك فرصة من 3- 6 شهور تستردى فيهم صحتك ونفسيتك وتتغذى كويس لأن أكيد التوأم أستهلكوا الغذا اللى كان فيكى علشان لما تحملى ماتبقيش زيى ضعيفة ومش قادرة استحمل
ثالثا : شيلى موضوع الحمل من دماغك وتفكيرك (وأنا عارفة ان ده بيبقى شيء غصب عنك) بس حاولى على قد ما تقدرى ما تركزيش فى الحمل وسيبيها على الله وتوكلى عليه وبصى لنفسك وصلحى نفسيتك وأعيدى بناء جسمك وأنتى ان شاء الله فى الميعاد اللى ربنا كاتبهولك هتحملى
وربنا يعوضك وأكثرى من الاستغفار واحمدى ربنا على اللى حصل لأنه ممكن يكون خير ليكى يمكن كانوا فيهم شيء لاقدر الله ونزولهم كان أحسن لأنى دايما كنت باحمد ربنا لما افتكر ان ربنا ممكن يكون فضل لى الإجهاض عن أن يرزقنى بأطفال مشوهين أو فيهم شيء لا قدر الله
وأكثرى من الصدقة والدعاء بنية الحمل
وأسفة طولت عليكى بس أنتى اللى فكرتينى بس ألف حمد وشكر على نعمته أدعيلى ربنا يتمم لى حملى ده على خير ويرزقنى بطفلة سليمة معافاة
وان شاء الله أبارك لك قريب على الحمل
ألف سلامة عليكى وربنا يعوضك حبيبتى فكرتينى بنفسى كنت حامل وفى منتصف الرابع حصل لى إجهاض بدون سابق إنذار وعرفت أنه الجنين كانوا توأم عند الإجهاض فقط
أنا حاسة بيكى لإن نفسيتى كانت تعبانة جدا جدا كنت دايما أتألم لما أفكر أنى كان معايا أتنين أو كان هيجيلى أتنين وفى لحظة مبقاش ولا واحد
واهتميت جدا أنى أحمل بسرعة علشان أعوض الموضوع ده وركزت فيه جدا وقعدت كل شهر أنتظر الحمل لمدة 6 شهور بعد الإجهاض وأنا كل شهر أتمنى الحمل بس مايجيش لغاية ما عرفت أنى عندى مشكلة فى الإنجاب وفقدت الأمل فى الخلفة ودعيت ربنا أنه كل اللى يجيبه فيه خير ليا وأنه حرمانى من الحمل فيه خير لى وللجنين نفسه وسبحان الله الشهر اللى فقدت فيه الأمل فى الحمل وتوقفت عن انتظار الحمل حصلى فيه الحمل
فنصيحة منى ليكى حبيبتى :
أولا : لازم تقنعى نفسك أن اللى ربنا كاتبهولك هو اللى هتشوفيه وهو اللى هيكون خير ليكى
ثانيا : ما تغلطيش غلطتى وحاولى تدى لنفسك فرصة من 3- 6 شهور تستردى فيهم صحتك ونفسيتك وتتغذى كويس لأن أكيد التوأم أستهلكوا الغذا اللى كان فيكى علشان لما تحملى ماتبقيش زيى ضعيفة ومش قادرة استحمل
ثالثا : شيلى موضوع الحمل من دماغك وتفكيرك (وأنا عارفة ان ده بيبقى شيء غصب عنك) بس حاولى على قد ما تقدرى ما تركزيش فى الحمل وسيبيها على الله وتوكلى عليه وبصى لنفسك وصلحى نفسيتك وأعيدى بناء جسمك وأنتى ان شاء الله فى الميعاد اللى ربنا كاتبهولك هتحملى
وربنا يعوضك وأكثرى من الاستغفار واحمدى ربنا على اللى حصل لأنه ممكن يكون خير ليكى يمكن كانوا فيهم شيء لاقدر الله ونزولهم كان أحسن لأنى دايما كنت باحمد ربنا لما افتكر ان ربنا ممكن يكون فضل لى الإجهاض عن أن يرزقنى بأطفال مشوهين أو فيهم شيء لا قدر الله
وأكثرى من الصدقة والدعاء بنية الحمل
وأسفة طولت عليكى بس أنتى اللى فكرتينى بس ألف حمد وشكر على نعمته أدعيلى ربنا يتمم لى حملى ده على خير ويرزقنى بطفلة سليمة معافاة
وان شاء الله أبارك لك قريب على الحمل
الصفحة الأخيرة