قصتي مع قدر الضغط والكبسه ام خمس ساعات

كيفكم حوائيات
بقول لكم قصتي يمكن يستفيد منها الجدد الي توهم شارين قدر الضغط
انا من زمااااااااااان ابي اشتريها بس دائما امي اتخوفني منها انها تسمع عن كذا وحده انفجرت فيها بعيد الشر وغير قصص الي اسمع عنها واهون ومن جهه ثانيه اسمع عنها في منتدانا الغالي انها تختصر الوقت واسمع اختي وبنت خالتي انها اتسوي فيها كل شيء الحمع والورق العنب في نصف ساعة قلت لازم اخوض التجربه
في يوم رايحين انا وزوجي محل وشفتها قمت اقلب فيها وانا متردده وزوجي يقول تبينها يالله اخذيها وانا خايفه منها
قلت اتوكل على الله اخذت مقاس كبير اشوي 11 لتر قلت علششان يكفيني لاي شيء الكثير والقليل
رحت فيها بيت اهلي وخليت اختي اتعلمني عليها وقمت ابحث في النت عنها وقلت يالله خلني اجرب واطبخ فيها كبسة لحم وبديت من 2 ونصف الظهر حطيت البصل وبعدها الثوم والبطاط والطماط والحم ولبهارات والماي والحين جينا للجد صكيتها بدأ يطلع منها صوت كلمت اختي قلت لها الحين حطيت كل شيء وسكرتها ويطلع منها صوت تقول عادي هذي الصفار لا تلمسيها الا بعد نصف ساعه وبالفوطه قلت زين وانا يا بنات بيني وبين القدر يمكن 5 متر من الخوف اسمع الطقطق وانا خايف خاصه اني شفت قصة ناس رايحين البر واطبخو الكبسه في قدر الضغط وبعد اشوي شافو السماء اتمطر عليهم بطاطس وطماط ودجاج اتاري الصفريه انفجرت وشافو الغطاء بعد 8 امتار
المهم بعد ساعه الا ربع جيت افتح وشلت الصفاره ويطلع لك ذاك البخار وانا كل هذا اقول اكيد فيه شيء غلط

فتحتها الا الحمه عادي ولا كأنها مضغوطه ولا شيء جا ولدي الله يحفظه عمره 11 سنهيحب يجرب كل شيء ويستكشف قلت له وانا اسولف يعني مدري وشفيها هالقدر شكلها خربانه سكرتها كذا ولاهي ضابطه يقول لي يمه غلط الي سويتيه طلع الولد اذكى مني كنت اسكرها واخلي الغطى مثل ماهو بس الحديده الثانيه هي الي تضغط الغط الثقيل اكيد مافهمتو علي ماني عارفه اوصل المعلومه قال لفي بالعكس علشان يرتفع الغطى لفوق وتنضغط القدر سكرناها وبديت احسب لها نصف ساعة وانا اسمع لصوات الصفاره والطقطق وخايفه مره منها انا ولدي خوفته قلت له اخاف تنفجر فينا وفتحنا الصفار ه طلع بخار بخار كثيرررررررر مره وخلص البخار فتحناها استوى بس مو كثير قلت خلاص خليها تطبخ وهي مفتوحه وخلاص والله يابنات يا الحمه فيها بلا يا القدر فيه شيء الى الساعه 5 ونصف وانا متفشله ام زوجي عندنا وانا مخليتها بدون غذا للمغرب اخر شيء طفيتها ورحت جلست زوجي من النوم قلت له قموم اشتري غذا يوم ثاني كملت كبستنا وحطيت الرز واستوى لين بزياده حقا انها كبستنا فاشله كل هالوقت على الفاضي
بس يوم ثاني سويت فيها ورق عنب اخذ مني ساعه الا ربع بس لاني زدت الماي المفروض يادوب اغطيه بس بس استوى ورق عنب لذيذ مره والحين بسوي مرق الحم والله يستر

سؤال بنات اقدر استمعل القدر لطبخ عادي يعني بس اسكر الغطا بدون ما استعمل الفرار الي فوق لان الغطا ثقيل واخاف بس احطه كذا ويجمع البخار داخل ويطير الغطاء من جربت ؟