بمناسبة قرب شهر رمضان حبيت اهديكم عجينتي الخاصه وهذي العجينه علمتني اياها سلفة جارتي من اكثر من 12 سنه والله كل ماسويتها ادعيلها رغم اني ماشوفتها من حوالي 10 سنين بس والله دايم اذكر ها بالخير وهذي العجينه مضبوطه في مقاديرها وسهله وما تاخذ وقت وانا اسوي فيها كل انواع المعجنات ماعدا الدونات لي عجينه ثانيه بقولكم عليها ان شاء الله ومقادير العجينه الاولى هي
3كاسات دقيق ابيض بكاس الجبنه الكرفت الكبيرة
نفس الكاس ماء دافىء
بيالة الشاي حليب بودرة
ونص البياله سكر
بياله زيت
بياله مويه دافيه
ملعقة اكل ونص خميرة
شوية ملح
نص ملعقه وسط بيكنج بودر
الطريقه
اخلطي كل المقادير مع بعضها واعجنيها حتى ماتلصق باليد وغطيها بالنايلو الرول وغطيها بمنشفه نظيفه واتركيها بمكان دافىء حتى تخمر وماتترك وقت وشكليها حسب الرغبه وبالعافيه
والله يبلغنا شعبان ورمضان واحنا وكل امة نبينا
محمد عليه الصلاة والسلام بصحه وسلامه
جبنه صوص:
تدهني الصينية حق البيتزا وتفردي العجينه فيها وتدهنيها كتشب وترش عليها جبنة موزاريلا
فطيرة الزعتر:
تخلطي ملعقتين اكل جبن سايل وزيها مايونيز حتى تختلط مظبوط بعد فرد العجينه في الصينيه ادهنيها بصوص البيتزا ووزعي عليها المايونيز والجبن (الخليط السابق) ورشي عليها زعتر
البيتزا:
تفردي العجينه وتحطيها في الصينيه وتدهنيها بالصوص حق البيتزا وتحطي عليها الخضار حسب الرغبه وترشي عليها الجبن وتدخل فرن حار بعد خروجها من الفرن مباشرة رشي عليها الجبن مرة اخرى وبالعافية