عفت زوجي وكرهته ..كيف أعامله بالمعروف ومايحس بكرهي له

أخواتي بنات حواء
أنا متزوجة وعندي أطفال..عندي مشكلة إن زوجي مايحب ياخذ رأيي ويحتقر رأيي رايما ومايحترمني دايما عند العيال..يعني أحيانا أجي أخاصم أحد من العيال أو أعاقبه يجي يناقشني قدامهم أو يحضنهم مع إني نبهته إنه حيخليهم يكرهوني بطريقته هذي لاقدر الله..

مرة أخذني لمحلات السيراميك عشان أختار معاه سيراميك البيت ولا إختار ولا واحد من الي اخترناهم مع بعض وإختار هو وناس سيراميك الحمامات والمطبخ وعديتها لأنه يتعصب على طول..

مرة صار ظلم لي من أهله قلتله ليش ما أخذت رأيي قبل ماتوافق على ظلمهم قال المفروض أقولهم باخذ رأيك لكن إيش فايدة كلامه بدون فعل..

دحين إشترى باقي سيراميك البيت ولاهو عاجبني أبدااااااااااااا لأنه ملون وحيضيق علينا الشقة لأنها صغيرة وأبغى سادة ورااااااااافض ..

كدا مرة يصير شي في حياتنا يا إما أكلمه وأترجاه وأسلوب ووحالة ويااااااااااااااااااااالله يوافق..

وأكثر الأحيان إذا ماعجبه رأيي يعصب ويتنرفز ويخاصمني قدام العيال..

اللي قاهرني إن الناس من وأنا بنت يمدحون ذوقي وإني ذوقي حلو وفي اللي يقلدوني ويقولولي قدامي وأفرحلهم ويسألوني عن رأيي في أشياء لهم حيشتروها وأنا أدورفي النت وأسأل من هنا وهنا وأعطيهم رأيي وهم يفرحوا برأيي وكثير ياخذوا به حتى من أهله وأهلي..

بصراحة أحس نفسي عفته..وأحس إني كرهته..أحسه مهمش رأيي في بيتي وأنا الناس ياخذوا رأيي..ولا غرفة في شقتنا إشترى سيراميكها على ذوقي..ولا حمام..حتى المطبخ !!!


قههرني مررة..غير إنه يشوف أفلام أمريكية وأفلام هندية لكن مو قدام العيال..وقال لي ترى إذا سكنا بيتنا حعمل تلفزيون وأشوف أفلام في غرفة نومنا..هو أصلا مايجي البيت عادة إلا وقت الأكل والنوم..فبدل ايعوضني في بيتنا يقول لي هذا الكلام!!!

ولما أتفاهم معاه بهدوء يتنرفز أو يقول لي طيب ويطنش رأيي..المهم كأنه يشوف رأيي ولا شي..كأني جارية عنده مانيآدميةلي شخصية عنده..
مايحب يصير نظيف عندي ريحته عرق كم مرة أكلمه وإذا كان خارج لأصحابه أنواع الشياكة والتمشيط والريحة وتفريش الأسنان..

طبعا زي ماتعرفون الحرمة حتى إذا كرهت زوجها ماتبغاه يتزوج عليها أو يشوف عليها شوفة..
أبغاكم وخاصة إذا في وحدةة ماتحب زوجها تقول لي كييف أعامله بالمعروف عشان مايطير مني لأنه مرة قال لي إنتي تكرهيني يعني شكله حس إني أكرهه..كيف أعامله بالمعروف وإيش أعمل عشان مايس بكرهي له ؟

ومن كان زوجها زي زوجي وقدرت بفضل الله أولا ثم هي إنها تغيره وصار يعبر رأيها ويقتنع فيه؟

أحسه مقتنعب بأن الحرمة حرمة ما يتأخذ برأيها
وجزاكم الله خيرا