الله يعينك ويعنناا على ما بلاناا


مشكله الشغالات هدووول

أنا عندي مستودع صغير قريب من المطبخ أحط في العصيرات والحليب والمواد الغذائيه بشكل عام وعشان بنتي فيها السكر فأجيب لها أكل خاص فيها من حلويات وخلافه و أقفل بالمفتاح و أطلع على قد حاجتنا
وأمي كانت جايبه دولاب حجمه حلوه وشكله حلو وبمفتاح وكانت ترص فيه الأغراض وهي بالكراتين
والمنظفات كانت تحطة تحت السرير لأنه سريرها مرتفع وفي بلاكاش و لأننا كنا في شقة فمافي مكان
وصرت أسوي كذا
لأنهم بهذلوني تفهمي ولا ماتفهمي مافي فايده وكمان المسألة مو مسألة جوع إلا مسابقة من يخلص قبل الثاني أبلشتني مع بزورتي أغراضهم كل كم يوم مخلصة وإحنا نجيب بالكرتون
صارت ميزانية لحالها
وحطيت في غرفتي ثلاجه عشان إذا سويت حلا للضيوف أحطه فيه لوقت التقديم مو يجو الضيوف ونص الصينيه رايحه و أتفشل مع ضيوفي
والله يازين حياتنا من غيرهم
لكن الشكوى لرب العالمين المرض جبرني عليهم..

مشكورين على تفاعلكم معاي بس انا قصدي انها خلى تاكل بس مو كل الحلويات عيب عليها حتى ريلي ما يذوقها لكن اللي مجنني انها تخزنة في الكبت رز ودجاج اخاف تجي صراصير والله وعلى فكرة انا ما احدد لها الوجبة بل تكون غارفة لها بنفسها الرز والعشاء على راحتها من دون ما اكون معاها بالمطبخ يعني تكون مرتاحة والحمدللة لكن ليش بعدين تضم وقت العصر غذاء ثاني وياليت شغلها حلو الا الملابس كلها صابون وما تكنس عدل تقول لي ما شفت الوسخ
واللي يقهرني اكثر لما نطلع على الخط بعيد عن منطقتنا ازور الأهل في امارة ثانية تتطلب نوقف لها في المول الفلاني تبا تشتري شي فيعتذر لها زوجي اننا تعبانين نبي نوصل البيت بسرعة مرة ثانيه ان شاء الله
شو رايكم مو قهر

اكيد الشغاله اول ما تجي من ديرتها اتكووون مشفوووحه ....

صراحه انا الشغاله عندي لا جبت الشيل مال البيت ..احط لها عصاير و كاكاوات و بطاط نفسها نفس العيال ...و اقول لها هذولا نصيبج ...يعني اعطيها حقها و ما اخليها تتصرف علي كيفها ...و بعدين هي ابكيفها تاكلهم او تخليهم ..
و بعدين بيني و بينكم حنا اهل بيوت نعمه ..و عايشين في خير الحمد لله يعني لو حسبتيها كل العصاير و الكيك اللي رح تاكله ما يتعدى 5 او 6 دنانير في الشهر ..فانا نظري..خليها تاكل ..لانها الحين تعتبر من اهل البيت و لا تنسين انها بعد انسانه عايشه في الحرمان ...

انا بعد خدامتي نفس الشئ تاكل وايد بصراحه انا ماعندي مانع من انها تاكل بس اكلات الي اشوفها لعيالي ولزوجي احذرها انها ما تلمسها اما الطبخ هي على كيفها تاكل لتشبع وبصراحه مو لاوم انها تاكل من اكل عيالي او الحلويات الاطفال ,,,اول يوم ما كانت تعرف بس انا علمتها حدودها في الاكل يعني اذا احنا الكبار ما ناكل عصاير الاطفال والحلويات اخليها هي تاكل ؟؟؟؟؟