ساعديه

انتي المشكلة ما عرفتي تتكلمي معاه باسلوب
كان المفروض تقولي له (أفديك بذهبي و كل ما أملك و لا أشوفك مهموم.. و أنا متأكدة انك بس يصير معك فلوس بترجعهم لي و أكثر كمان لأنك ابن أصل و أنا اتزوجتك لأني عارفة معدنك)
أي رجل بيسمع هالكلام بيحس بتأنيب الضمير لو ما رجع لك ذهبك

المهم, رأيي انك تركضي تبيعي ذهبك و تسدي ديون زوجك لأن الدنيا ما تسوى و راحتكم أهم.. و بعدين بس تحسي ان الله فرجها عليه خذيه على السوق على اساس انك رايحة تتفرجي بس و اشبكي بأعلى طقم ذهب و اتدلعي عليه كأنك بنت صغيرة و خليه يشتريه لك و هو من نفسه بيتذكر انك بعتي ذهبك عشانه و ما بتصور بيقول لأ..
الله يفرج عليكم

على حسسب الرجااال .. اذا يستاااهل فداااه .. واذالا والله مااعطيه لو يتقطططع ..

انا عن نفسي بعت ذهببي واشتريتله سيااره وهالسالفه من سنتيين .. عووضني عن ذهبي بميه اللف مرره مااااااااااااااشالله .. والحمد الله طلع ادمي ويستااهل ..

بس اختي بااعت ذهبها قالها محتااج .. وراح تزووج عليهااا حسبي الله عليه ..

على حسسسب الرجل

عزيزتي بسمة فرح
انتي مب خايفة تصفين على الحديدة مثل ماتقولين، لأن عندك راتب يمكن مع الأيام تعوضين به الذهب اللي فقدتيه، المشكلة انك فيه نوع من تصفية الحسابات بينك وبينه ، مثل ما هو مايعطيني مصروفي ومايصرف علي بالعلاج أو لما أنزنق، لازم ماأعطيله، يمكن يكون معاك حق، أنا أميل بقلبي لك، بس ماأعرف الطرف الثاني شو يقول، يمكن يقول: والله ان حرمتي مسرفة وتسير تتعالج في عيادات خاصة والحكومي موجود ببلاش. لكل وجهة نظر.
العبارة اللي قلتيها له (توعدني انك ترجعلي قيمة الذهب لما تنفك الازمة) قوية جداً على الرجل، وبالذات الرجل الشرقي، لأنه مايحب يكون مذلول لمرأة حتى لو زوجته..
فكري فيها، لو انه اتسلف علشان يقضي ديونه فراح يضل مديون ويدور في نفس الدائرة..
يمكن اكون قسيت في الكلام بس هذا اللي أشوفة
بس اذا بعتي ذهبك هل فعلا راح يتخلص من ديونه كلها أو راح يخلص جزء بسيط منها؟؟
استغرب اذا هو حريص كيف طاح في الديون؟؟
مجرد تساؤلات ليس عليك الاجابه عليها لأن هذا شأنك..

والله لو شايلني في عيونه والله ابيع الدنيا عشانه مو بس الذهب بعدين الذهب يروح ويجي بس لاقدر الله مرض او انسجن اش يعوضنا فيه