كوبونات الراقية تسجيل الدخول

لـولـونـونـو

برنامج اللولو لعناية كالؤلؤ مع لولونونو (ارجوا التثبيت )

العناية بالبشرة •

السلام عليكم ورحمة الله وبركاته ..

في البدايه احب اشكركم على ثقتكم الغالية فيني .. واتمنى من الله العلي القدير اكون عند حسن ظنكم ..

اليوم راح انزل لكم البرنامج مثل ماوعدتكم واعذروني لو تاخرت عليكم :)
وسميته بناء على اقتراح اختنا سفيرة النوايا فديتها ^_^
هي اللي سمت البرنامج ..وارسلت لي برنامجها بعد عشان ادمجه مع برنامجي.. لاتنسون تدعون لها ..

المهم ياصبايا :

هذا البرنامج انا سويته شهر كامل وكانت نتايجه روعه لكنه يحتاج لصبر وانتظام ..
يعني اللي بتمشي معاي خطوة بخطوة ان شاء الله راح توصل لنتيجه حلوة ..

نقطة هامه :

اتمنى تكون الردود للاستفسار فقط او الدعاء لي بما اتمناه ..لاتشكروني ادعوا لي بس :)

يعني الخلاصه : بيكون هالموضوع خلاصه تجربتي وموضوع مجرب من قبل بنات حواء ..

اي استفسار عن المواد المطلوبه بالبرنامج راح تلقونها على هالرابط وبالصور ان شاء الله ..


http://forum.hawaaworld.com/showthread.php?t=1906245



طبعا احب انبه للبنات اللي حابين يستفيدون من البرنامج اني طلبت من البنات الاسبوع اللي راح يسوون تقشير لاجسامهم
باي مقشر يحبونه + الترطيب بعد الاستحمام على اساس يكونون جاهزين للبرنامج ..

بسم الله نبدا :

السبت :

ناخذ مقدار ( اللي يكفي جسمك ) ، من الخلطة الصابونية + مقشر المشمش .

* نخلطهم مع بعض الين مايتجانسون .
* يبلل الجسم بالماء الدافئ ..لحد مايصير الجسم بنفس حراره المويه بكذا تكون المسامات تفتحت .
* سكري الماي .. وخذي الخلطة ووزعيها على جسمك بالكامل ماعدا الوجه ..
* اتركيها على جسمك ربع ساعة او عشر دقايق .
هذي الخطوة مهمه يابنات وهي اساس نجاح البرنامج معك ..
* خذي صحن صغير او طاسه وحطي فيها ماي دافي مائل للحراره ..
وخذي الليفه المغربيه او اي ليفه خشنه عندك بلليها بالماي الدافئ ..اللي حطيناه بالطاسه ..
طبعا انتي الى الان برى الدوش ..
* افركي جسمك بشكل دائري بالليفه وكل مانشفت غمسيها بالمويه اللي في الطاسه وارجعي افركي جسمك كله ..
الفايده من هالخطوة ان الجسم يبدا ياخذ فايده الصابون ..
* عند الانتهاء شغلي الدوش و ابدئي اشطفي جسمك بالماء الدافئ شطفا جيدا ..ثم بالماء البارد ..
* قبل الخروج من الحمام تاخذين مقدار الغطاء من مويه ماي الورد وتحطينه بطاسه وتصبين عليه مويه بارده
ورشي جسمك فيه ..وبكذا انتهينا من الاستحمام ..

نجي للترطيب الحين :

رطبي كامل الجسم بلوشن جونسون او كريمات الترطيب اللي انتي متعوده عليها ..ولاتبخين اي عطر بشكل مباشر عالبشره ..

اللي تبي تتعطر تعطر الملابس قبل تلبسها وهذي طريقه امنه للحفاظ عالبشره من اضرار بعض العطور ..

واي استفسار انا جاهزه ..

ملاحظة مهمة :

يابنات اي وحده قبل تكتب استفسار تشوف الردود قبل لاني ماراح اجاوب مرتين ..
وبمجرد ما انزل اليوم اللي بعده الاسئله حقت اليوم اللي قبل خلاص تنتهي ..

البرناااااااااااااامج خاااااااااص بالجسسسسم فقط ماجربته على وجهي واي وحده تجرب على وجهها هي المسؤوله ..
الحوامل لايستخدمون البرنامج لاني بنت وما ادري ينفعهم او لا وانا مابي اضر وحده فيكم ..

مدة البرنامج شهر كاااااااااااااااامل ..

اي وحده تبي تنقل الموضوع هذا او الثاني ما احللها لو ماذكرت المصدر لاني تعبت كثير في اعداد هالبرنامج والتصوير ..

ولاتنسوني من دعوة صادقه ان ربي ييسر زواجي بالشخص اللي اتمناه ..

اختكم
لولونونو
578
66K

يلزم عليك تسجيل الدخول أولًا لكتابة تعليق.

تسجيل دخول

start999
start999 •
انا من المشتركين بس سوال افيد الكل
كم مدة الدعك بالليفة
انا اسفة داخل عرض
لـولـونـونـو
لـولـونـونـو •
start999 start999 :
انا من المشتركين بس سوال افيد الكل كم مدة الدعك بالليفة انا اسفة داخل عرض
انا من المشتركين بس سوال افيد الكل كم مدة الدعك بالليفة انا اسفة داخل عرض
هلابك اختي الغاليه ..

تدعكين دعك عادي بس موتفركين بقوة حيل خلي قوة دعكك متوسطه والين تحسين
انك فركتي كل منطقه بالمده المناسبه ..

لاعادي حيااااااااااك :)
صبايا ستور
صبايا ستور •
جزاك الله خير
NoOoLa
NoOoLa •
جميل جدا.. عساك على القوة
start999
start999 •
جزاك **** خير