هذا موضوع جاني على الايميل وحبيت افيدكم فيه ..
وبما انكم حوامل كثرووووووووووووا من الدعاوي ومن هالدعاء بالذات ..
أولادك مقصرين بالصلاة و متعبينك؟
تعالواشوفوا كيف يتغير الوضع – بإذن الله تعالى
بقول لكم قصة صارت لي انا
كانت بنتي بخامس ابتدائي..
وثقيله الصلاة عليها.. لدرجة اني يوم قلت لها قومي صلي وراقبتها
لقيتهاسوت حركتين وحاست (شرشف) الصلاة ورمته على الارض وجتني
قلت لها صليتي قالت ايه..صدقوني لاشعوري أعطيتها كف
ادري انه غلط.. بس الموقف ضايقني وخاصمتها ولمتها وخوفتها من الله
ومانفع معها كل هالكلام أبدا..
لكن بيوم... سمعت قصة من أخت ....وهي انها زارت قريبة لها عادية ليست كثيرة التدين
لكن يوم حضرت الصلاة قاموا عيالها يصلون بدون ماتناديهم ولا تهاوشهم
تقول .. قلت لها: كيف عيالك يصلون من نفسهم بدون خصام وتذكير ؟!!!
قالت والله ماعندي شي اقوله لك الا اني من قبل أن اتزوج وانا ادعي الله بهذا الدعاء...؟؟؟
انا بعد هالسالفه لزمت هذا الدعاء ...في سجودي وقبل التسليم وفي الوتر .. وفي كل اوقات الاجابه
والله يا اخواتي.. ان بنتي هذي الان بالثانوي... من اول مابديت بالدعاء وهي التي تقومنا للصلاة وتذكرنا فيها
واخوانها كلهم ولله الحمد حريصين على الصلاة
حتى امي زارتني ونامت عندي ولفت انتباهها ان بنتي تصحى وتدور علينا تصحينا للصلاة
تبون تعرفون هالدعاء
إنه بالقرآن علمنا إياه ربنا وغفل الكثير عنه إنه في سورة ابراهيم
إحفظه وإلزمه
((رب اجعلني مقيم الصلاة ومن ذريتي ربنا وتقبل دعاء))
