بنات ماذكرت الموقف علشان اسولف عليكم ولا علشان اتمسخر فيها تكفون انتبهوا
والله العظيم كثير اشوف امهات دينات وبناتهم ضايعات وقدام امها تسوي اللي مافيه اطهر منها
بذكر الموقف
واللي بالكليه انا متأكده انها شافت الموقف اليوم
اليوم رحت زياره الكليه مع اختي ووقت الخروج
فيه تجمهرحراس آمن على سياره
وطبعا فيه حارس امن كبير بالسن < مايطلع من غرفته الا فيه مصيبه كبيره برى
البنات يسمونه الاسد ويسمون غرفته عرينه
اذا طلع ماتسمعون الا اصوات البنات الاسد طلع من عرينه الاسد طلع من عرينه
وشديد مايرحم ابدا ولا يتهاون مررره
4 سيارات امن عند الكليه سكرت على سياره والناس تجمهرت من قريب واللي بعيد ترك كل شي وقام يطالع وش اللي صاير
الا بنت نزلوها حراس الامن من سياره الشاب والولد والله ولا على باله ولا همه
والاسد ماسك شنطه البنت وبوكها البنت نزلت وهي تغطى عيونها والكل يطالع فيها صارت فرجه للي يسوى واللي مايسوى
دخلها حارس الامن الكبير بغرفته ومعه حراس الامن علشان ماتهرب
ولا يفوت ولا يسامح الا ابو البنت اللي طالعه او اخوها يجي يستلمها
ياحرام وش ذنب ابوها المسكين يقوم من صباح الله ويوصل بنته الكليه ويعطيها مصروف ويتفاجئ بالامن يتصلون عليه تعال خذ بنتك لقيناها مع شاب
ولا وش موقف اميمتها عجيز تنفجع ببنتها :(
والله شي يقطع القلب الاب تلاقينه كبير بالسن ينزل بنته بالكليه ويعطيها مصروف مبلغ وقدره هذا غير فلوس الملازم والكتب اللي يشتريها لها
يقوم من صباح الله مره تعبان ومره مرتفع عليه الضغط ومره الدنيا ضايقه فيه ينزل بنته الكليه وبعد دقايق تروح تطلع مع شاب :(
والله اشوف اشكال الاباء اللي عند الكليه اشكالهم تقطع القلب شياب والشمس فوقهم تضرب فيهم واخر شي يطلع انتاجه بنات كذا
وش استفادت البنت الحين طلعت مع واحد وهي اللي انمسكت وهو عادي مو هامه شي بعد مايطلع يدور غيرها
تكفون يابنات الشيطان لايجركم لهذا الطريق لاتخلين نفسك عظه للغير
ربي يستر عليها مره مرتين ثلاث بس وقت تنكشف تبكي دم وتعرف ان الله ستر عليها كثير
وربي بس اتخيل ابوها متصلين عليه يفجعونه بالخبر هذا
الله يستر على بنات المسلمين يارب ويهدي الشباب
الله يكون بعون ابوها ويعوضه جنات الفردوس :(
يلزم عليك تسجيل الدخول أولًا لكتابة تعليق.
الهيـــلا
•
اللهم استرنا بسترك الذي لاينكشف اللهم استرها ياحي ياقيوم والله يعين اهلها ويصبرهم ادعوا لها بالهدايه ولكل بنات المسلمين
لاحول ولاقوة إلا بالله
الله يعين اهلها
ذئاب بشريه يلفون على عقول البنات واذا انكشفوا رماها ولا همه وراح دور له فريسه ثانيه
انتبهوا يابنات وامهات الله يسترنا
الله يعين اهلها
ذئاب بشريه يلفون على عقول البنات واذا انكشفوا رماها ولا همه وراح دور له فريسه ثانيه
انتبهوا يابنات وامهات الله يسترنا
همسات.
•
اللهم استرنا بسترك الذي لاينكشف اللهم استرها ياحي ياقيوم والله يعين اهلها ويصبرهم ادعوا لها بالهدايه ولكل بنات المسلمين
الصفحة الأخيرة