طريقة لتثبيت الوزن بعد الريجيم

علاج السمنة والنحافة

السلام عليكم ورحمة الله وبركاته
شفت في كثير من مواضيع الأخوات الي الله وفقهم وقدروا ينقصوا أوزانهم عقبال عندي وعند باقي الدبيات إن شاء الله
إن أغلبهم يسأل عن طريقة لتثبت الوزن بعد الريجيم
أنا شفت هالطريقة مع أخصائي تغذية كان له برنامج في قناة درة يوم الجمعة( أتوقع للآن يعرض بس أنا لي فترة منقطعه عن مشاهدة التلفزيون)
هذا الدكتور يعطي ريجيمات للمتصلين ويتابع معاهم إسبوعياَ عشان يغير لهم الريجيم وكل ما أحد سأله كيف أثبت وزني عطاهم هاالطريقة
طولت عليكم إعذروني
إليكم الطريقة
هي إنك تقسمين الإسبوع إلى قسمين
أربع أيام
وثلاث أيام
بشرط تكون هالأيام ورى بعض ونفس بعض كل إسبوع
الأربع أيام تاكلين فيها من أكل البيت عادي (هو ماذكر كميه بس أتوقع قصده بإعتدال يعني أكل أوادم مو أكل مفاجيع(هذي حال محاكيتكم فاليوم المفتوح)
وثلاث أيام تلتزمين بريجيم
هو ريجيمه لأغلب المتصلين
الفطور_شريحة توست مع شريحة جبن قليل الدسم أو حبة بيض أو ثلاث ملاعق فول
الغدا_قطعة بروتين(دجاج أولحم أو سمك أو تونة)مع طبق سلطة وخضار مسلوقة
العشاء_ ثمرتين فاكه أو زبادي أو حبتين بيض
بس أتوقع إن الثلاثة الأيام ممكن تتبع فيها الواحدة الريجيم الي يريحها
بس لاتنسوا الشرط
يعني مثلاً إذا إخترتي يكون السبت والأحد والإثنين ريجيم
ويكون الثلاثاء والأربعاء والخميس والجمعة أكل عادي
تستمرين على هذا الترتيب مو كل إسبوع شكل
وتستمرين على ذي الطريقة من شهرين إلى ثلاث شهور
يقول الدكتور إنه الوزن راح ينقص أيضاَ خلال هذي الفترة
يعني من تقربون من الوزن المثالي تبدون فيه
ويقول كمان إنه إذا حب الواحد ياخذ راحة بعد ما ينقص بعض الوزن الي يبيه ممكن يتبع هالطريقة حتى تجيه نفس يكمل الريجيم.....
تحياتي ودعواتي لي ولجميع من تعاني زيادة فالوزن أن ننحف بصحة وسلامة
لا تنسوني من صالح دعائكم

6
1K

يلزم عليك تسجيل الدخول أولًا لكتابة تعليق.

تسجيل دخول

نوال2010
نوال2010
الله ينحفك وجزاك الله الف خير
ريفاااااااااال
الله يجزاك خير
مخضبة الكفوف
مخضبة الكفوف
الله يجزاك خير
الله يجزاك خير






نوال وريفاااااال
أسعدكن الله وأنزلكن أطيب منزال
(على القافيه:42:)
زعيمة روحي
زعيمة روحي
الله يوفقك ويجزاك خير
مخضبة الكفوف
مخضبة الكفوف
الله يوفقك ويجزاك خير
الله يوفقك ويجزاك خير
زعيمة روحي مشكوووورة والله ينحفنا وياك بصحة وسلامة