أشك بأصابتي بمرض السرطان الثدي ولا أريد الكشف/ استوفى الرد

السلام عليكم ورحمة الله وبركاته
انا جديدة ف المنتدى و زي ماتشوفو ف الموضوع انا شاكة بأصابتي بمرض سرطان الثدي و لا أريد الكشف بالماموجرام خايفة منو مراا
بقولك ايش سبب شكي، قبل شهر تقريبا أو ماكمل شهر حسيت بألم تحت الابط خفيف وطنشت قعدت يومين زاد الألم لدرجة مااقدر اثني يدي تحسست المكان لقيت فيه زي الحبة تحت الجلد شيء زي الكوره صغير جدا بلغت أهلي ورحت المستشفى (عيادة ) لدكتوره نساء و ولادة سألتني كم سؤال و أستخدم مزيل أور لا و تتحرك اور لا و وي كذا بعد كشفت علي لاحظو بس تحسست الابط و الثاني وشفت المنطقة كلها لكن ما تحسست الثدي نفسه ولا فحصته بس بالنظر والابط اللي موجود فيه الحبه
وقالت لي هاذي غدد لمفاوية ملتهبه بسبب مزيل العرق و قالت كمان سوي أشعة سونار سويت أشعة سونا ورجعت عندها قالت كل شيء تمام بس ملتهبه و وصفت لي مضاد وقالت خلاص انسيها تروح من وحدها .
هنا انتهى راحت الورمة بس مازال الألم و الابط اليد الثاني برضو فيها الآن الألم انتقل لها و ملاحظة أنه انا من قبل الورمة هاذي تجيني الألم بصدر من كم سنة وتجاهلتها تجي أوقات فقط فترة الدوره وأظن طبيعي بعدين صارت تجي من فتره لفتره ذحين صار يوميا و حاسة انه هالمرض فيني و خايفة اسوي ماموجرام سمعت انه اللي مافيها بعد الأشعة يصير عندها لأنه يهيج الخلايا السرطانية
و انا يعني مو كبيره كم شهرين وأدخل 22
و خايفةةةةةة و اهلي تجاهلو موضوعي تماما نفسي أحد ينصحني يوجهني الله يسعدكم ايش اسوي
وكم تكلف اشعة الماموجرام انا ف مدينة جدة