السلام عليكم ورحمة الله وبركاته
اشلونكم خواتي شخباركم موعارفه اشلون ابتدى والله
المهم انه بنتى مصابه بشلل دماغي ومركبين لها شنت(هوز) براسها موصلينه للمعدة عشان ينزل المويه الزايدة من راسها وكانت بنتى طبيعيه بالمرة والعمليه سويتها ثالث يوم من الولادة وبعد شهر ونص انسد الهوز الي بالراس وكب راسها لانه تجمعت المويه وضغطت على المخ وبعدا انشلت لاتتكلم ولااتشوف ولاتمشي والحمدالله على كل حال
المهم خواتي بنتى الحين ماشاء الله عمرها عشر سنوات وجاتها الدورة من اسبوع وانه بصراحه مت من الخوف وقعدت اصيح وموعارفه شسوي
خايفه اتصير نفسي لاني كنت اعاني وايد من الالم وتميت ادعي لها انها ماتتالم والحمدالله
بس خواتي اهي للحين ينزل عليها الدم معنه اليوم السادس مستغربه وبصراحه اخاف اوديها المستشفى ايسون فيها حاجه انه وايد خوافه والله
وبنتى بعد تعاني من شي ثاني من جبتها فيها امساااااااااااااااك شديد
يعني في الشهر مرة وحدة تخيلو تخرج وبالغصب وبعد يطلع ساعات دم
معنها تاكل زين وكل شي ماشاء الله اعطيها وتشرب ماي كثير مستغربه من الامساك
ومابغي اعودها خواتي على التحاميل
وبعد خواتي الي عندها نفس حالتى فيدوني شسون لعيالكم بهالحاله
ترى بنتى ماشاء الله ذكيه وتفهم الي اقوله لها
وماتحب تشرب الدواء بالمررررررررررررة حتى لو احطه لها بالشراب ولا الاكل تعرف ولاتشربه خخخخخخخخخخ تجننى والله
بس من تمرض يضطرون ينومونها بالمستشفى ويحطون لها الدواء بالمغذي فديتكم
طولت عليكم بس والله بقلبي كلالالالالام كثير ابي اقوله صج نسيت
انه ماوديت بنتى المدرسه من سنتين مخليتها عندي بالبيت لانه احسها لين تروح وترجع وايد تتعب وصارت عصبيه ومن تسمع صوت السيارة الي توصلها المدرسه تصيح وماتبي تدخل والله انه اقول اكيد في شي بالمدرسه اكيد حد يضايقها والله
تدرون عاد اول مادخلتها الحضانه حقة المعاقين كنت انه اروح معاها من الصبح لين الضهر كنت كثير اخاف عليها والله
وهنااااااااااك شفت العجب والله كل وحدة او واحد مريض معاه خدامته تروح معاه والله ياناس بعيوني اشوفهم يضربون اليهال ويصرخون عليهم
انه اموت من القهر والله ولين تكلمت قالولي المدرسات يام فلان شوفي وسكتى ليش عاد وين راحت الرحمه حتى المدرسات والله يضربون الاطفال والله حرام اهم بروحهم مرضى ولايدرون عن شي والقهر انهم مسلمين
تدرون انه الحين تجيني وحدة اجنبيه البيت تعالج بنتى والله والله انه قلبهاااااااااا من جد رحوم بنتى تخاف منها واجد وتقعد تضرب الاجنبيه عشان ماتلمسها لانه بنتى تخاف من الناس كثير بس عمرها الاجنبيه ماصرخت عليها ولاغلطت عليها بشي معنه هلاجنبيه واهبه حياتها للناس المرضى
المهم والاهم ماطول عليكم واجد بس اتمنى تفيدوني يالغاليات وان شاء الله اتواصل معاكم عن كل شي يفيدني ويفيدكم حبايبي
الله يحفضكم ويحفظ اعيالكم واعيالي واعيال المسلمين والمسلمات اجمعين
امييييييييييييييييييين يارب
نونة العمر @non_alaamr
عضوة جديدة
يلزم عليك تسجيل الدخول أولًا لكتابة تعليق.
القهر ماتحب العسل مادري ليش معنها تحب الشيرة بس مدري ليه ماتحب العسل
والدكاترة رحت لهم وقتلهم عن الامساك ماعندهم الا الادويه وبس وموبحلو الواحد يتعود على الدوى
والدكاترة رحت لهم وقتلهم عن الامساك ماعندهم الا الادويه وبس وموبحلو الواحد يتعود على الدوى
الصفحة الأخيرة
على الدوره اصبري كم يوم لانه طبيعي ناس تجيهم اسبوع واكثر....انا كانت 10 ايام<<< والحين من بعد بنتي صارت 8
واذا على الامساك عليك بالعسل ملعقه وبعدها كوب ماء والله شي رهيييييييييييييب سبحان الله