ياااااااااااااااااااااااااه أخيرا نورونا بنات الحفر بطلتهم الله يحفظكم يارب ويسعدكم

واااااااااااااااو ياأم عبدول الله يحفظ لك عبدول ويسخر لك ابوه ويحقق لك كل اللي تتمنيه يارب بصراحه ربيعكم جنه الأرض ماشاء الله تهوس لكن بصراحه طلعاتنا محدوده للغايه ،وبعدين ماطلعتي عن الموضوع ولاشئ اللا بالعكس ونستيني بطلتك الله يفتح نفسك ياعسل وانتظر عودتك مره ثانيه وتسلمين......

ياحبي لك يا"سيجما" والله انكم ونستوني بردودكم من جد كذا الواحد يحس انه عايش مع ناس بنفس المكان لكن اذا ماعليك كلافه ياعسل الله يرزقك بالزوج الصالح والعيال البارين ويسخرهم لك دنيا واخره وين الحجيلان هذا دليني على مكانه بالضبط او رقم التليفون واذا عرفتي طبيبه ممتازه بالعسكري لاتنسيني والله يجزاك الف خير....

هلا والله بالغاليه فيولا والله ياقلبي تو ماسكنت بالحفر مالي اللا ثمان شهور ولسى ماتكيفت معاه بصراحه ولاأعرف فيه شئ اللا العثيم حتى الناس اللي بالحفر ابشرك مااعرف احد
ولله الحمد علشان اسألهم لكن انتو ماقصرتو الله يعطيكم العافيه ياعسل ويحقق لك مناك ومبتغاك لكن دليني على المكان بالضبط والتليفون اذا ماعليك كلافه وآمال هذي شنو جنسيتها ؟
ودعواتك ياعمري واذا حملت صدقيني راح ابشركم بإذن الله ومشكوره عالنصيحه ياالبي وماانحرم من هالطله المنوره.........

الله يجزاك خير على الدعوه الحلوه ياعسل ...لكن انا لي وجهة نظر عن الدكتوره آمال حتى وان كانت ممتازه الا ان مايهمها هو الربح المادي (والله على مااقول شهيد )لاتقولون كل الخاص كذا لا هي على خبري بزياده الله يهديها وعندي مواقف كثيره عنها الله يستر عليها وممكن ارسلها لك على الخاص .. وانتي حره او روحي لها وقولي امكانياتي محدوده ,طيب انتي مارحتي قبل كذا لاي دكتوره خارج الحفر؟

تسلمين يالدلع كله وماسوينا شي بالنسبه لجنسيتها مصريه وعنوانها خلف البنك الاهلي
الرقم على حد علمي ممنوع على العام لكن اتصلي على 905وراح يفيدونك
اختي ام عبدول الله يجزاك خير استغرب من كلامك عن الدكتوره كل العالم يمدحونها والزحمه عندهم تشهد غير كذا وش كثر حريم ربي كتب لهم الحمل عندها طبعا الشغله توفيق من رب العالمين لكن جعلهت سبب وصدقيني لو الناس مو مستفيده منها ماشفتي طوابير الانتظار عندها وبالنسبه للربح المادي حد علمي انها تاخذ راتب يعني مافهمت كيف يدخل جيبها شئ
وعموماً ياقلبي اللي تبي تحمل وربي ماكتب لها تدور الاسباب ومستعده تسوي اي شئ
علشان تفرح بضمه ولدها وتشم ريحته اخر شي الماده ممكن تفكر فيها ربي يرزق كل محرومه ويفرح قلبها بالذريه الصالحه وصدقيني ام عبدول انا مش متحيزه لامال ولابيني بينها شئ لكن شهادة حق لازم تنقال خواتي وزوجات اخواني عندها وكل اللي نعرف عندها وانا من سوء حظي تمنيت اكون عندها لكن للاسف تزوجت برا الحفر

اهلين اخت فيولا ..مشكوره على المداخله وعلى الذوق في الرد ..تسلمين :27: شوفي اختي انا من اهل الحفر واعرف الزحمه عندها هذا امر لاجدال فيه وان كان اغلب اللي يجونها تبع شركات وكل اغلب اللي راحوا لها سمعوا فيها (اسلوبها اول ماجت له دور الحريم حبوها وان كنت يوم ازورها قبل سنوات نفسيتها ماهي كل هالزود ..تغيرت يعني ,ويمكن تفوقت بفضل الله من علاج بعض الحالات لكن هي ترهق الحريم بكثر الطلبات والتحاليل(واسالي خواتك وحريم اخوانك عن الزراعه على قولة المصريين في الرايحه والجايه ) اللي مالها داعي بدليل قولها لقريبتي (زوجها تبع شركه ويدقق بكل شي مايرضى بالتحاليل والعلاجات الكثيره )اخسى عليك يا ..شركه وتخرجي مني كذا !!) يعني انا اعتراضي عليها انها ماتقول مافيك شي اواصبري اجل زميلتي لها خمس اشهر متزوجه ومسويه لها اشعة صبغه ! :( ..........اماقولتك مومهم الماده عند الانجاب ..اقولك انا مستعده ادفع اموال الدنيا علشان يرزق غيري بالذريه فكيف بي ,لكن الواحد يدفع على سنع ,ومسالة انها تاخذ راتب ياحليلك هي الحين لها مكانتها بالمستوصف ومستحيل يفرط فيها فالنسبه تدهر ! والله لايحوجك لها ولا لغيرها وبالمستوصف الدكتوره منى ماعليها .....هذا والله اعلم .

مساء الخير أختي

أرسلتلك رسالة على الخاص
أتمنى تطلعين عليها

وأي استفسار أنا بالخدمة

والله يرزقك بالابن الذي تقرُ به عينك