سؤال لكل وحده سوت عزيمة في بيتها !!

أنا بحاول اجاوبك على قد خبرتي البسيطه جدا
انتي تسألي بالنسبه للوقت هذا يعتمد على عدد الأشخاص اللي انتي عازمتهم فكلما كان العدد اكبر والأطباق اللي بتعدينها اكثر كلما بكرتي اكثر بتجهيز للعزيمه واللي بيساعدك انك تكتبين الأطباق اللي بتسوينها في ورقه والاشياء اللي ناقصتك
عملي الحلى قبل بيومين وخليته في الثلاجه والحلى كل ماجلس في الثلاجه اكثر كل ماتماسك اكثر وطلع احسن واذا كنت بتحطي مقبلات مثل الكبه وورق العنب تقدري تعمليها قبل بأسابيع وتتركيها في الفريزر ويوم العزيمه مايبقى عليك الا القلي بس
واليوم اللي قبل العزيمه قطعي الدجاج وكشني اللحم المفروم وتبلي الأشياء اللي تحتاج تتبيل وعلى طول الثلاجه والبصل والطماط كل شي قطعيه وتركيه في الفريزر والمكان اللي بيجلسوا فيه رتبيه وبخريه
واكيد يوم العزيمه بتقعدين من الفجر وتبدين تحضير وتجهيز وياليت يكون في احد معاك يساعدك والله يعينك اذا كان من ضمن المعازيم حريم لأن بتضطرين تجهزين نفسك لأستقبالهم
الخلاصه حاولي قدر الامكان اي شي يصلح انك تسويه قبل سويه وتركيه في الثلاجه ولا تأجليه ليوم العزيمه لأن بتكونين مرتبكه وكذا شغله تبين تسوينها في وقت واحد والله يكون في عونك ويبيض وجهك قدام معازيمك
اتمنى اكون افدتك ولو بالشي القليل

حبيبتي على عدد الاشخاص وعلى حسب الاطباق اللي تبين تسوينها يعني بصراحه انا اسوي صواني اللي تدخل الفرن قبلها بيوم ويوم العزيمه احطها بالفرن عندج صينيه شورما الدجاج بالتوست والباشميل و الدجاج بالكريمه واللزانيا واذا عندج عجينه سويها بنفس اليوم او قبل بيوم وقت اللي تبين تستخدمينها طلعيها وخليها تخمر واستخدميها

شوفى حبيبتى

فيه حاجات بتكون احلى كتير اذا سويتيها قبلها بيوم زى السلطات الى لا تحوى طماطم مثل الكول سلو وسلطه الفاصوليا البابا غنوج تقريبا كل السلطات

كمان تتبيل اللحوم والفراخ بانواعها بيكون احسن لو عملتيه قبلها بيوم

تحضير بعض الصوانى عندنا صوانى الجلاش واللبشاميل والرقاق بيكون جميل قبلها بيوم كمان على تدخيل الفرن

انا بحب ترتيب السرفيس على الدرسوار وكل احتياجات العزومه وكمان تنظيف وترتيب البيت واذا فيه اطفال رفع الاشياء الى تتكسر قبلها بيوم كمان

يوم العزومه بقى كله يدخل الفرن تعملى حاجات بسيطه ممكن فى اللحظات النهائيه مثل العصائر وخلافه

كمان نسيت اقولك على المحاشى بانواعها لا تسويها خوذيها غلوه بس وسويها تانى يوم كله يبقى رائع ان شاء الله

ادام الله علينا لمه الاهل والاحباب وما يحرمناش من تجمع الناس واطعام الطعام

اختك هبه

زيادة على اللي قالوه الأخوات .. الله يوفقهم :)

جهزي (قبل بيوم) البيالات والفناجيل وحطيها في صوانيها وخليها في المطبخ

وصحون السفرة والمناديل والكاسات والملاعق والمغارف ووطايات الصواني ..

وكل المواعين اللازمة للعشا .. جهزيها وحطيها على طاولة الطعام ..

ونظفي البيت من وإلى كله قبل بيوم .. يصير باقي عليك بكره الكنس لو اضطريتي ..

وحاولي ماتبقين من بكره إلا الطبق الرئيسي ..

أنا عادةً أطلع اللحمة في الليل و أطبخ اللحم من بدري يعني العصر عشان الريحة وعشان يمديني أغسل القدور ..

وأكون منقعة الرز من بدري .. وقبل مايدخلون الضيوف أطبخ الرز وأخليه على نار هااادية

وتحته الحديدة الدائرية عشان يستوي على راحته .. ولا ينعجن ..

وأسوي السلطات وحلى السفرة وحلى القهوة قبل بيوم .. والفاكهة نفس الشي أغسلها وأصفها ..

بالنسبة للسلطات أحط عليها الصوص من بكره يعني أسويه وأحطه في علب .. وفي الثلاجة

والسلطة أقطعها بدون ماأتبلها .. وأغطيها زين وأحطها في الثلاجة ..

الصواني .. أسوي اللي ينفع يسوى وينحط في الثلاجة ..

ومن بكره ما يبقى لي إلا اني أحميه على نار هادية في الفرن وأحمره ..

حتى لبسي ومكياجي كله قبل بيوم ..

ماألبس وأتمكيج :hahaha: .. بس أطلعه على جنب عشان ماأتلخبط ..

والبخور .. أطلع الفحم والعود على جنب .. عشان ماأنساه ..

ومن بكره أصير رايقة .. ومرتاحة وأقعد مع ضيوفي على راحتي .. ولله الحمد :)

أنا باجر عندي عزيمه
نظفت ورتبت البيت
غسلت الحوش
وجهزت ثيابي لباجر
وطلعت المواعين وكل ما يلزم للأكل وباجر من الصبح البشكارة بتغسلهن وبتبرزهن في حجرة الطعام

باجي الطباااااااااااااااااااخ لوووووووووول
أكيد كل شي من برع ماعدا الخفايف لول
لأني ما عندي وقت الصراحه
بس ألحين بسوي السويتات البارده
والسلطات
أما المحاشي
والفطاير
وكل شي من برع كفايه علي الزحمه اللي بتصير
وغسيل البلاوي اللي بتصير بعد ما نفضى