السلام عليكم
اول مره اعرض صور جلابيات من تصميم مصممه شابه كويتيه
اتمنى ادعمها ولو بشوي لان نظافه الخياط ابهرتني وعجبتني بتداخل الالوان
اخليكم مع الصور انا اخترت اشياء بسيطه واسعارها كويسه واشياء ممكن تتوسع وتتضيق
هذا موديل هندي سامحوني الصوره طلعت مايله هذا غلط بالتصوير ويتكون من قطعتين جلابيه تحت والتطريز فوقها ينلبس بقيمه 15 دينار
وهذي جلابيه هنديه 4 قطع حلوه وايد وايد ومع المكياج الذهبي تطلع رهيبه
تنوره وقميص داخلي وفوقه قطعه طويله بتطريز ومعاها شال وممكن يستخدم حجاب بقيمه 30 دينار
وهذي دراعه شانتون مقاس كبير موديلها غريب جدا بسعر 15 دينار
وهذي دراعه شيفون تايغر حلوه لاقى درجه خذيت منها لونين ومن تحت مبطنه بلون لحمي وتخفي السمنه وحلوه للي طالعين من نفاس ناعمه بسعر 22 دينار
وهذا لون ثاني منها مبطن فبنفسجي
هذي دراعه شانتون لونها بالحقيقه احلى برونز وذهبي مطفي وفيها دانتيل ذهبي بسعر 15 دينار
دراعه قطن حلوه للزيارات العائليه القريبه او للبيت وغريبه بسعر 11 دينار
من قدام لون واحد ومن وره فيها تطريز لرسمه الورود يعني حلوه للمحجبات او اذا رفعتي شعرك في هاللون وانا خذيت اسود بابيض
من قدام
من ورى
جلابيه اردنيه حلوه وااااااااااااااااااايد بسعر 30 دينار فعلا حلوه
جلابيه موديل اردني ايضا وغريبه جدا جدا فيها اكثر من لون ومن تحت وبالاكمام مخرجه بلون ثاني ومخرومه
بسعر 22 دينار
اسفه اذا ماجاو على ذوقكم بس لان البنت تجهز لرمضان وحبيت اخذ الموديلات الجاهزه منها وبتجيب لي انشاءالله اذا جهز شي جديد
أمثـــال @amthal_2
محررة برونزية
جلاااااااااااااااابيـــــــــــــــــــــات جلابيــــــــــــــــــــااااااااااااااات
33
2K
يلزم عليك تسجيل الدخول أولًا لكتابة تعليق.
الصفحة الأخيرة
وهل قصتها تخلي البطن طالع؟؟
والتنوره شانيل؟؟ ولا شو؟؟
والله يوفقها بيكونلها مستقبل حلو وايد