بسم الله الرحمن الرحيم
أنا لا ادري من اين ابدا .. ولكني سوف أبدآ بشخصيتي ..أنا انسانه مسالمه ..ضعيفة الشخصيه متنازله عن اشياء كثير لابعد الحدود
المهم المشكله اني قررت اتغير واغير حياتي .. انا متزوجه من 26 سنه وزوجي اكبر مني بـ 15 سنه ولدي 5 اولاد وبنتين
ومشكلتي اني ابغى اتغير واغير حياتي ..عارفه دحين ح تقولو توك افتكرتي .والله ان عمري مافكرت اتغير وكل اللي يعرفوني يقولون انني السبب في معامله زوجي لي عشان انا اسكت لكن والله لو وريتيه العين الحمراء ح يتغير
وكل وحدا تقول لي دا الكلام احس انها تبغى تخرب بيتي
نفسي ولو مرا وحدا اتعامل كأنسانه أعطاها الله حقوق لها والله اني احس اني اعطيت كل الحقوق اللي عليا ولكني لا اعرف من الزواج الا حاضر وبس
طبعا مو في معصية الله بس في طاعة زوجي واسمع كثير عن الصبر من الشيوخ وع طول اطبق وبالحرف الواحد وكل ماسمعت موعظه وكل ماسمعت طريقه تساعدني في طاعه زوجي اطبقها كمان حتى في فراشه
فأنا احب ان آقرأ وأطبق الاشياء التي في صالحي .. وكلمة (لآ )مااعرف أقولها لزوجي إلآ نادرا وحتى لو قلتها ماآحس انها تتنفذ أو يعمل بها بس آقول لنفسي اصبري ولك اجر ان شاءالله
واقول لنفسي دحين بيتغيرر وكل ماأكلم والدتي أو اتصل بداعيات يقولون اصبري واكثري من الاستغفار ..
والله يابنات مو ضعف ايمان او شي بس والله هي الحقيقه اني حاولت وسويت كل شي لكن مآانكر ان زوجي تغير عن زمان كان مرررا قاسي
والحين صار يتنازل عن بعض الاشياء بس انا احس ان مالي اي كلمه في بيتي ..كل اللي الآقيه من حقوقي أكل وشرب وآوامر وبس
تعرضت للاهانات بس اقول ياحرمه اصبري عشان اولادك والاجر على الله بس خلاص ماعاد اتحمل ابغى اغير نفسي وحياتي بس ماني عارفه من وين ابدا وكيف ؟؟
على فكره نسيت ماأقول لكم شخصية زوجي ... زوجي له شخصيتين ..!!! شخصيه في البيت ,,وشخصيه برا البيت
آما في البيت هو إنسان مستبد ويحوب التسلط ويحوب كلمته تمشي ع الكل وع طول يصدر اوامرودائما يردد الحريم ماينعطو وش
احس انواناني ..تصدقو..اناني بس مايحوب نفسو طبعا ح تقولو كيف اناني ومايحوب نفسو لانو اللي يحوب نفسو يبعد عن المشاكل ويحب الراحه لنفسو
بس هادا يمووووت في المشاكل ودائما طفشان
واول مايدخل البيت لعن وسب للاولاد واما حجته فهو الضغط والسكر
وشخصيته برا البيت :
بشوش ومرح والبسمه ماتفارق وشوو والكلمه الطيبه ماتفارق لسانو
وكل كلامو قال الله قال الرسول
حتى اولادو لما يطلعو معاه يعاملهم معامله طيبه واي طلب يطلبوه مجاااب بس اول مايدخل البيت
يبدا يحاسبهم
كم يافلان اخدت مني وكم يافلان اعطيتك >>طيب انا اوريكم مافي مصروف بكرا ويرجع يوم بعد التهديد يعطيهم
هادا ادا طلع برا البيت..!!!
اما عاد لو رحت معاه السوق
من البيت يقول ماتاخدو الا طلب واحد بس وكل وحدا لبس واحد في الاول كنت اسمع كلامو
وبعدين قلت اوصل للسوق واخد اللي ابغاه وقعدت فتره على دا الحال ورجع اتغير لطبع تاني
يقول لما نطلع تطلعي انتي لوحدك
وصرت اخد معظم حاجاتي مو كلها بس احسن من اول
وبعدين غير دا الطبع مرا تانيه ماعاد يطلعنا السوق ابدا الا قبل العيد بيوم
يعني اخر يوم في رمضان !!
وحتى لو طلعت معاه هايبر ماياخد الا الشي اللي يبغاه
بحكي لكم دي القصه ابغى منكم حل :
بدأ التغيير لما رفض يخلي بناتي يروحو التحفيظ هو كان الحفل الختامي وكان لهم دور مهم في الحفل
وبحجه انهم مارضو يصلحو الغدا بدري وتعرفون كم اتاخر الغدا ع الوقت المحدد نص ساعه بس
ح تتسالو وتقولو وين كنتي انتي لما عاقب البنات ؟؟
كانت المسأله عناااد يبغاهم هما يصلحو وكان مستقصد الحكايه وحلف يومها مانصلح آكل في البيت لمدة يومين
هو يروح المطعم وانتو صرفو انفسكم !!!
طبعا انا كنت اخليه يخرج واصلح غدا لأولادي . .
المهم : اجا وقت الحفل الختامي وكيف اسوي؟؟هو حلف
مايخرجو من البيت والابله تقول خلو امكم تكلمو
و الله يابنات اني حسيت مالي قيمه في بيتي ولاعند زوجي وكرهت الدنيا كلها واتمنيت اني ماتزوجت لكني في الاخير اتوصلت لحل
وكلمت مديرة التحفيظ تتصل عليه وبدآ يشكي لها انو معاه ضغظ وسكر وان البنات هما اللي مو راضيات يروحو التحفيظ
ومايسمعو الكلام والله اني اكتب دا الكلام واني صادقه ان بنات مافي زيهم وطايعات ويسمعو الكلام بالحرف الواحد
المهم ان الكل في البيت متنازل ع حقوقه عشان رضاه وهو مو عاجبو ودائما يقول انتو ماتستاهلو شي
ومااحد يسوي لكم شي ودائما الكلمه دي ع لسانو (الله يخلصني منكم )ومهما سويت ماراح يتغير ومايرضيه شي
ولما قريت قصص كتير وكتير صلح حالهم قلت خليني اعرض عليكم قصتي امكن يكون لكم الفضل بعد الله في تغيير زوجي
انا سويت طريقه قلت امكن يتغير بحكيها لكم :
اتعاندت انا واياه شويه وبعدين طلب مني اسلم عليه انا رفضت هو راح فرش اسنانو وقال هيا شلت العفانه
ترى هو يتمسخر عليا وانا من كثر ماانقهرت منو قلت له والله انك معفن
شوفو يابنات دي الكلمه وش سوت!!!
ماعاد يكلمني وليا اسبوعين انام في غرفة اولادي
وانا قاصده انام عندهم عشان انا عارفه انو لو انا نمت عنده بالغرفه انو ح يمسكني وماراح اقدر اقول لا
وانا من النوع اللي قلبي صافي اسامح بسرعه (وبعدين ترجع ريمه لعادتها القديمه )ا
وتصدقون طول الفتره دي ماكلف نفسو وسألني اشبك زعلانهوليش نايمه عند اولادك
لان طريقته في المصالحه هو بس يرضى ويتكلم عادي خلاص يعني انا لازم ارضى من اول مااتزوجتو وهي دي طريقة مصالحتنا
والمشكله الكبرى انو انا اللي ابادر بالمصالحه حتى لو كان هو الغلطان
واقول لنفسي يابنت هادا زوجك هو جنتك ونارك ومن ماتت وزوجها غاضب عليها دخلت النار
ترى انا مؤمنه بهذا وثقتي بالله كبيرررا بس والله مانفع معاه ولاحتى قدر كل التضحيات
بالعكس كل مايمر وقت احس انو يتكبر ويشوف نفسو عليا
نفسي ولو مرا في حياتي اسوي شي ع كيفي واكون راضيه فيه ومقتنعه
ح تقولو انتي ماحاولتي تكلميه وتتفاهمي معاه
ح قول لكم:
والله حاولت كان اول يسمعني واحس انو يتغير شوي للاحسن
وبعدين غير طبعو ماعاد صار يسمعني وادا جيت اتكلم معاه ادا كان جالس في المجلس يقول :
دحين ابغى اسمع الاخبار
وادا كان في غرفة النوم :
يقول هادي غرفة نوم ماهي حق الكلام الفاضي.!!
وادا كان ع الاكل
يقول ح تخليني أأكل والا اقوم ويبدا يرفع صوتو وانا طبعا اسكت
حتى الطلعه من البيت مايخليني اطلع الا ع كيفو
حتى عند الجيران بنفس العماره
ادا كان مبسوط خلاني اطلع ونااادرا مايكون مبسوط
ودائما يختلق الطفش عشان مانطلب منو اي شي
وفي الاونه الاخير صار يشكي انو ماعندو فلوس
عمري ماحسيت انو يحوبني بجد
انا ناويه اقولو دا الكلام اريد رأيكم فيه ...؟
ح قولو ادا تبغى تعيش معايا ونكمل حياتنا مع بعض اعطيني حقوقي واعطيك حقوقك
والله قال امساك بمعروف او تسريح باحساان
والحين اطلب منكم ان تساعدوني بحلولكم وارائكم ابغى ارجع انسانه لي ثقه بنفسي واخد حقي من غير خوف او تردد حتى لو كان بعد دا العمر
ولكم جزيل الشكررررر
المشكلة لصديقة غالية ع قلبي وانا طلبت منها تكتب قصتها لكم وانتم املنا بعد الله
طموحي تجاري @tmohy_tgary
عضوة فعالة
يلزم عليك تسجيل الدخول أولًا لكتابة تعليق.
ام فروه 123
•
الله يسخرلك زوجك واصبري عليه وعفي عنه هذي الدنيا ماتخلو من المشاكل الله يصبرك عليه ويسخره لك في الدنيا والاخره وان شاء الله تنفرج لك
اصبري يااختي ولك الاجر باذن الله وادعي ان الله يسخره لك اذا كان موعلشانه علشان خاطر الاولاد وماعاد باقي بالعمر اكثر من الي راح
&تترا&
•
ممكن لان الضغط والسكرمتعب(الله يشفيه ويشفي كل مريض)
يااختي احمدي الله يعني في حالات يكون مبسوط فيها
والله في ناس تلقينهم 24 ساعة وهو يضارب زوجته وعياله وهات ياضرب فيهم
اصبري يااختي ولك جزاء الصبر
الله يبدل حالك لافضل حال ويبردعلى قلبك برضازوجك ويجعلك مع اطفالك في نعيم وسعادة
يااختي احمدي الله يعني في حالات يكون مبسوط فيها
والله في ناس تلقينهم 24 ساعة وهو يضارب زوجته وعياله وهات ياضرب فيهم
اصبري يااختي ولك جزاء الصبر
الله يبدل حالك لافضل حال ويبردعلى قلبك برضازوجك ويجعلك مع اطفالك في نعيم وسعادة
hnoooo
•
الله يسخره لك
كلامك سليم "" تبغى تعيش معايا ونكمل حياتنا مع بعض اعطيني حقوقي واعطيك حقوقك
والله قال امساك بمعروف او تسريح باحساان""
وبعدها روحي لامك واجلسي عندها اسبوعين عشان يحس بفراقك وان شاء الله يتغير
وقبل كل شي صلي صلات الاستخاره
كلامك سليم "" تبغى تعيش معايا ونكمل حياتنا مع بعض اعطيني حقوقي واعطيك حقوقك
والله قال امساك بمعروف او تسريح باحساان""
وبعدها روحي لامك واجلسي عندها اسبوعين عشان يحس بفراقك وان شاء الله يتغير
وقبل كل شي صلي صلات الاستخاره
الصفحة الأخيرة