علامو علامو :

والله ماعندي خبرة بس اللي اقدر اقوله كل ماجيتي تنامين بالليل قولي سبحان الله والحمدالله 33 مرة والله اكبر 34 مرة وهذه وصفة نبوية للسيدة فاطمة رضي الله عنها عندما طالبت خادمة فقال لها الرسول ان تقول ذلك هي وزوجها ومن بعدها لم تحتاج لخادمة وبعد ادعي اللهم اعني ولاتعن علي وانصرني ولاتنصر علي واهدني ويسر الهدى الي ممكن اقولك من ناحية العناية بنفسك حطي لك جدول مرتين بالاسبوع زيتي الشعر ومرة في الشهر حنا اذا انتي موصابغة وكل ماتحممتي رطبي جسمك بجلوسوليد بالليمون رووعة ثانيا حطي يوم بالاسبوع حمام دلع دلعي نفسك يعني شيلي وحطي مجموعة ريحتها حلوة وكثيرة بتلقين بودي شوب ولا نكتار ماراح تغلبين خلي عندك كريم مرطب في المطبخ وعند حمامك وفي الصالة كل ماجلستي رطبي ايديك ورجلك خليها دايم مرطبة مرة في الاسبوع قناع لوجهك لاتتكلفين لو زبادي اهم شي ترطبين مرة بالاسبوع بديكير ومنيكير بالبيت يعيني شي بسيط واسنانك اهتمي فيها بالتفريش وبالغسولات ذايم خلي بيتك ريحته بخوور ترى العطر يرفع من المعنويات الشغل اللي يبي تركيز خليه في وقت نومة عيالك مثلا الكوي والغسيل وعيالك نايمين مثلا قومي الفجر وزوجك رايح يصلي وشغلي الغسالة وغسلي الملابس واذا خلصت انشريهاوارجعي نامي هذا مثال وكل حرمة لها طريقتها الخاصة وخليك دايما مستمتعة لاتضيقين خلقك وسعي صدرك بعيالك العبي معهم اسالي الله التيسير وانه يسخر لك زوجك بس انا مافهمت زوجك عمله شفتات عشان نقدر نساعدك وبعد عيالك كيف نظامهم عشان نلقى لك حل بس بالنسبة للجدول العناية هذا اسهل شي بالنسبة لك واحسن لانه قليل دائم خير من كثير منقطع

والله ماعندي خبرة بس اللي اقدر اقوله كل ماجيتي تنامين بالليل قولي سبحان الله والحمدالله 33 مرة...