إي والله أهوجـس ولانـى بمرتـاح
والحزن فى حوش الحنايـا بفـاروع
أمسيت من وصل المواليـف مـزاح
وأصبحت من فرقى المواليف مفجوع
البارحه فى غبـة الوصـل سبـاح
واليوم من عرش المواصيل مخلـوع
ياصاحبى صرح الهوى والوفى طاح
والقلب كنه مـن عراويـه مقشـوع
كان أحسب إن لحبنا عشـرة أرواح
إلين شفت الحبـل بيديـه مقطـوع
يوم العهد به حده إسبـوع لـى راح
إسبوع ويعوّد علي شـوق ودمـوع
واليوم خمس سنين والهـم مـازاح
هم الفراق اللى بلا عـذر مشـروع
أستغفرالله تسعـة شهـور ياصـاح
فى غيبته قمت احسب اليوم بإسبوع!
العام خلي يسمـع القلـب لا صـاح
واليوم مهما صاح ماهـو بمسمـوع
ضاع الحساب وشفت برق الجفا لاح
وأيست لولا إن الرجا فـي مـزروع
وحالي نحل والحال مهوب منسـاح
من كثر ماأظمأ للمواصيـل وأجـوع
بليت في من دونه سيـوف ورمـاح
وغدا علي وصله مثل حبـة الكـوع
له مني إن سره على الناس مابـاح
ولي منه إن الصد غصبٍ بلا طـوع
شادن2009 @shadn2009
عضوة نشيطة
يلزم عليك تسجيل الدخول أولًا لكتابة تعليق.
بصمة حب
•
الله ياصاحبي صرح الهوى والوفى طاح والقلب كنه من عراويه مقشوع روووووعه
اكييييييد
هالكلااام ما يطلع الا من واحد مثل فطيس
روعة يا فطيس
فعلا شاعر غي زمن قل فيه الشعار الحقيقيون
هالكلااام ما يطلع الا من واحد مثل فطيس
روعة يا فطيس
فعلا شاعر غي زمن قل فيه الشعار الحقيقيون
مبدع دائما هذا الشاعر
وشكرا اختي لاختيارك له فأنا من اشد المعجبين بشعره
هوب كفو الوقت حبك يمحّيه
ياللي تخاف صروف الايام تمحاه
ارتاح دام ان المواصل يقويه
انت . انت وانا . انا وقلبي هو إياه
من روائعه
الصفحة الأخيرة