::
اللهم صلي وسلم على محمد ..
.................................................::
،
بسم الله الرحمن الرحيم
يسعد أوقاتكم خواتي بـ كل خير .. ~
معروف المعاناة اللي تجي من الإمساك والشرخ سواء أيام الحمل أو النفاس واستمرارها إلين الله يفرجها .. ~
أنا مريت بـ الشرخ الله المستعان والحمدلله على كل حال .. من ثالث اسبوع بـ النفاس إلى قبل اسبوع تقريبا ً ..
وربي تعب واللي بيفهم كلامي اللي مر فيها .. الله يشافي الجميع ويكفي كل مسلم .. ،
جاء وقت يأست فيه ( حزة شيطان ) استغفر الله العظيم .. وبكاء ونفسية ونهاية الدنيا بـ النسبه لي..
لين ما قريت في النت عن الأنظمة الغذائية والدايت والألياف ..الخ
وجاء في بالي أطبقها ..
غيرت نظامي الغذائي 180 درجة .. ابتعدت عن الرز والدقيق و الخبز الأبيض استبدلته بـ البر ..
المعجنات .. بأنواعها والدسم ..
استمريت على الفواكهة والخضروات .. السلطات بـ أشكالها .. الشوربات بـ أنواعها
وكمان التمر ..
المهم التركيز على الألياف .. عندك النت ابحثي عن تواجدها ..
والماء نصيييييييحه الماء لا تقطعونه ..
خصوصا ً اللي ترضع لأن السوائل تنسحب من الجسم لـ الرضاعه ..
في طريقة قريتها بـ هـ المنتدى لـ الأخت ( توب فلاور ) الله يجزاها كل خير ..:27:
تقول بعد كل فريضة صلاة نشرب كاس ماء .. تصير 5 كاسات ماء .. والـ 3 الباقية نوزعها طول اليوم ...
ولا تنسون العصيرات الطبيعية .. ، وكمان لا نهملون الكالسيوم في الحليب والألبان
وأخذت من الصيدلية مرهم ( نيوهيلار ) 35 ريال .. وربي روعه قليله عليه بس هااا مو اهمال في التغذيه وناخذين
المرهم مثلي في أيامي الأولى معاناة وخسارة المرهم على الفاضي ..
واللي تعاني من الامساك .. تحاميل الجلسرين بـ 2 ريال أو نيوهيلار ... ~
وبـ تدعولي ..
وغير كذا شوفي وجهك شلون يصير منور .. والله ينورهـ بـ نور الإيمان ..
يمكن تشتاقون لـ الرز والمكرونه والحلويات والمعجنات والشيبسات لكن وربي ما يسوى العذاب والتلوي في دورة المياه الله يكرمكم..
تحملوا هـ الفتره لين تتحسن أوضاعكم ..
جربوا واحكموا ما بيضركم إلا الإهمال ..
كل الود ~
،
::.........................................................................
سبحان الله والحمدلله ولا إله إلا الله والله أكبر
::
نورية ~ @nory_23
محررة برونزية
يلزم عليك تسجيل الدخول أولًا لكتابة تعليق.
nooovh
•
جزاك الله خيرا
الصفحة الأخيرة