والصلاة والسلام على افضل المرسلين نبينا محمد ^_^
ابي اتكلم واقول رأي فقط ارجوا الا يكون جارح او يخالف رأيكم وارجوا ان تكون الردود متفهمة وذوق ^_^
لما احط على اي قناة اخبار احزن اشوف حال اهل مصر من مظاهرات وقتل واشياء عجيبة ، واخاف تنتقل العدوى لكل الدول مثل اليمن مثلا !<< لاني سمعت خبر زي كذا
ابي بس اقول شي :
حراام عليكم الي تسوونه والله حرام هذا سفك للدماء ،يعني لما اشوف كل المحتجين كلهم شباب ونصهم يموت والي يصارخ باعلى صوته وفوضى بكل مكان ..
يعني توكم تنتبهون انكم عايشين بظلم ؟ واظن ان الرئيس حسني مبارك هو الي ساعدكم اول ما اخذ الرئاسة مدري وش سوى بالضبط لكن مثل ماسمعت انه دافع عن اهل مصر لما ركب بالطيارات ويفجر بالاعداء
مدري وش بالضبط بس اكيد قبل لا ينتخبوه وبعدها انتخبوه لانه بغى يضحي بنفسه عشان الشعب !
ما تعتقدون انه راح يحزن لما يشوف شعبه كذا ؟ وهو الي بغى يموت عشانكم ؟ وبعدين تدرون كم عدد اهل مصر الله يحفظهم ؟
اكثر من 80 مليون شخص ! كيف رئيس واحد يحتويهم كلهم ؟ يعني حتى لو يبي ما يقدر اصلا
وبعدين اعيد واكرر توكم تنتبهون انكم عايشين بظلم ؟ ولا هذا بس لعب شباب ؟ والله اشوف محتجين شباب والمؤيدين كل واحد على الثاني ليييه يا اهل مصر ليه تخلون اهل الفتن يفرقونكم ويشتتونكم ويخلونكم بدون رئيس ؟
طيب اعطيكم مثال للي خان رئيسه وخانته الدنيا :
1- الدولة العثمانية لما كان لورنس العرب << هو جاسوس>> يزرع الفتن باهلها الين ما طاحت الدولة من مظاهرات شعبها وبعد سقوطها بدأ عهد الظلم والاحتلال من قبل الاوربيون !
2- تونس الشقيقة بعد رحيل رئيسها نص شوارعها قتل واختطاف ومحد يمسكهم
3- اهل العراق صحيح ان لما اطاحوا بصدام كان خير لهم لكن الحين وش صار لهم ؟
آسفة اذا كنت ذكرتكم بالمواجع بس والله ما اقدر اسكت ، حتى اذا كان ملك دولتك ظالم لازم تصبر عشان الله لان هذا امتحان وابتلاء ! والي اشوفه بعد المظاهرات كالتالي :
بعد ما يكون الشعب متحمس للمظاهرات يطلقون عليهم كل اصناف التعذيب وكمان يطلقون المؤيدين ، وبعدها يتعب الشعب من الاحتجاج والمظاهرات واخيرا رئيسكم راح يمسكم والله اعلم وش بيسوي فيكم !
يعني اتقي شر الحليم اذا غضب
انا ما ادافع عن الحكام الظالمين ،انا احاول اخلي الناس يعقلون شوي ويفكرون بالعواقب
وبعدين وش تبون من قذارة الدنيا ؟ نعيم الاخرة افضل بكثير فقط الصبر على ابتلاء الله وليس الصراخ بوجه القدر والاعتراض عليه !
والساكت عن حقه شيطان صحيح لكن مو بهذا الاسلوب ! بحيث ان الكثير ماتوا والكثير صاروا بحزن وغم وتفرق وتشتت الكثير وكلها فتن يزرعها اعداء الاسلام ارجوكم تسمعوني وانا كمان لو ابي اعترض كان قمت على طول واحتج واحرق واقتل لاني عايشة بجدة ! لكن افضل اني ما افعل حتى ما اسبب لغيري الحزن :(
بس هذا رأي ارجوكم لا تهجمون عل بالردود لان رأي مخالف واتمنى مايصير هوشات ومضاربات
والله يحفظكم برعايته يا اهل مصر
