بنات دخيلكم تساعدوني،،،والله ويهي عورني من كثر ما لبستوني

والله العيب من الاهل الي مايعلمون بناتهم الطبخ

وامور المنزل........

العتب على اهلك وياكثر الي مثلهم.


ياحبيبتي مايحتاج لا مدرسه ولا غيره

شوفي قسم الطبخ بعالم حواء

يجنن من طبخ شعبي لاحلويات لا عصيرات لا حلى قهوه وحلى شاي

روووووووووووعه بصراحه

ويفيد الكثر.

والبنات عرفوا يطبخون منه .:26:

وحتى الترتيب عندك قسم الترتيب والتنظيم


يفيدك بالغسيل والترتيب وووووووووووووووووو الخ.

وقسم الديكور يفيدك ترتبين البيت وتاثثينه:24:


واتمنى لك التوفيق من كل قلبي.:24:

عزيزتي لينا
انا كنت مثلك ما اعرف اطبخ كلش

حتى كوب الشاي ما اعرف اسويه

وبعد ما تزوجت توهقت لاني قعدت في شقه بروحي طبعا انا الوالده متوفيه رغم انها الله يرحمها ماهره واااايد في الطبخ والكل يموت على طباخها لكن الدلع ما لنا ما خلاني اتعلم وانا اللحين اتحسف

لكن الحمد لله حبي لزوجي خلاني الصراحه اتعلم واسال والمنتدى ما قصر

والله تعلمت مره مرتين لين صرت اضبط الاكل صح في البدايه زوجي انتقدني لكن كان انتقاده اكثر يحمسني

وغير كذيه زوجته الاولى انجليزيه وهذا اكثر خلاني اهتم في معده زوجي وارحمه من البرجر

والله العظيم صرت ماهره وبالاخص من طبخات اخواتي في المنتدى

ما في عيش جربته ما ضبط المندي والمبخر والمطبق والمكابيس
واشياء وايد

والله يعافيهم ويخليهم

ونكون دايم ايد وحده ونستفيد من خبرات بعض

حبيبتي ........

لاتشيلي هم أبدا أنا متأكده إنك راح تصبحين فنانه وماهره في الطبخ ........والفضل يرجع لله سبحانه وتعالى ثم لهذا المنتدى العريق..........المنتدى مليان بكل الأكلات والمشروبات والمقبلات والسندويشات والمعجنات والحلويات وكل مالذ وطاب .....إنتي ماعليك إلا تدخلي القسم تشوفي وإللي تناسبك جربيها حتى لو فشلت مش مشكله ياكثر إللي نرميه في الزباله الله يديم النعمه.......
يعني مو شرط تيجي وحده على راسك وتعلمك ترى هذي النظريه مررررره خاطئه وماتنفع حاولي إنك تعتمدين على نفسك وإذا صعب عليك شيء الغاليات مايقصرون .........

موفقه يالغاليه.......


ملاحظه......

ذكرتيني باأيام الطفوله لمن شفت توقيعك.............

السلام عليكم

عندج جمعية المرأة الظبيانية او الاتحاد النسائي او نادي الفتيات يقدمون دورات في الطبخ
غير التلفزيون

والمنتدى اكبر مكان لتعلم الاكلات وخصوصا اذا كان عندج رغبة وحب للطبخ
الواحد ما يولد في بطن امة عالم
المنتدى راااااائع جدا للتعليم وتستفيدين منة كثيرا وفي كل شي


انا في الاكلات الشعبية ميح
في الخفايف يمشي حالى
ووصفات المنتدى غالبيتها تجننننننننننن
والله يعين على الريل والشغل معا

ونسيت اقولج عندكم مكان اسمة الاصلاح الاجتماعي دايما يطلع كتب لاكلات حلوة
وممكن تحطين في الجريدة مطلوب مدرسة طبخ شاطرة في الاكل الخليجي او السوري او حسب رغبتك

واي شي انا حاضرة .........بس عندي عرس
اول ما اخلص ارجع ان شاء الله بكامل نشاطي
حضري اللى تبينة واي سؤال ...وانا بالخدمة

السلام عليكم اخواتي العزيزات،،، الصراحة صدق ونستوني بردودكم،،، هيه جيه الناس يرفعون المعنويات ويعطونج امل،،،

اختي الغالية وجه الخير،،، تبين الصدق وايد شجعتيني على التعلم الفردي،،، الصراحة انا مسوية ملزمة شو كبرها لطبخات المنتدى وقليل ما حاولت اني اجرب منها لاني وايد اشك انه بيضبط عندي،،، وريلي الله يسامحة لو يمدح احيانا في الاشياء التافه اللي اسويها مثل الشاي لاني اضبطه حجة وما يعبه مال البشكارة بس خاتم عليه اني ما اعرف اسوي شي من قتله اني ما اعرف اطبخ ويوم اسويله اكله يديده حتى لو اني كنت اسويها قبل ما اتزوج يستكشف فيها ويطالعها عدل لو حتى شو كان حلو شكلها وانا وايد ادقق في المظهر الخارجي بحيث انها تكون جذابة بس بعد ما تعيبه ويتحراني مألفة من عندي ويكسر شراعي وميدافي يوم يسألني شو حاطة فيها،، وتخيلي ايلس اقوله المقادير جني مب واثقة من عمري،،، يحسسني اني اموليه مرة غبية ومول ما اعرف اسوي شي،،، ويقولي اتعلمي عملي عشان تفهمين اكثر وتشوفين عدل شو يسوون تقولين داشة مختبر مب مطبخ،،، لكن احس انه منى لاني بينت له اني ما اعرف اطبخ امولية،،، والا لو قتله من قبل اني ها اعرف شويه جان اشويه وثق في قدارتي وكل الاكل حتى لو كان اي كلام،،، وانا بالفعل وايد استفدت من اقسام المنتدى ويبالي ادرب نفسي شويه على الطبخ،،

الاخت الغالية المزروعية،،، ما شاء الله عليج معناته اني ان شاء الله اقدر استوي ماهرة مثلج لاني قبل كل شي ابغي اتعلم وحابة الطبخ،،، لكني من ينتقدني زوجي الله يهديه احس بأحباط وما اتشجع،،، حتى دوم اقوله انته بس يأكلونك وما يسولك سالفه ،،، يعني بالمختصر المفيد ما تنعطى ويه،،، عقبالي يارب واستوى شيف مثلج،،،

الاخت الغالية هالة،،، اشكرج من كل قلبي على تشجيعج وكوني مب لازم اتعلم جدام حد،،، والله اني محتايه اني اسمع ها الكلام،،، لاني صدق كنت البارحة وايد محبطة،،، انا على فكرة سويت البارحة كيكة طلعت ممتازة من ناحية انها مب عجين ولا بمحترقة لكن طعمها شوي يباله تعديل،،، يعني شوي شوي كل ما اعيد الاكلة بعدل فيها الغلط اللي سويته قبل لين ما تضبط ان شاء الله،،، تسلمين الغالية على الكلام الطيب،،،

اختي الغالية مس شيف،،، ياسلام عليج،،، انا بس شفت اسمج قلت هاذي هيه،،، الصراحة وايد افدتيني بالنسبة لامكان تعلم الطبخ،،، بس البنات شجعوني اني ايرب بروحي لكن اذا احتجت لازم اكيد بألتحق بدورات الطبخ عندهم والله يوفقني ان شاء الله،،، بس عادة لا تبطين علينا نباج تردين عشان نستفيد منج يا شيفتنا الحلوة،،،

مشكورين اخواتي من كل قلبي