شلونكم شخباركم.؟"
مثل ماوعتدكم انزل لكم مطبق الربيان هذا انا بنزله
المقادير والطريقه:/.:,
كيلو وشوي ربيان-زيت شوي- 4بصلات وسط -ثوم مهروس-شوي
كزبره-شبنت يعني كمشه بيدج- بهارات-2 ليمون عادي
فلفل اسود- مخلوط- هيل
مطحون - مسمار- دارسين عدل- ليمون اسود شوي,:/ هذا الحشو
طبعا يكون عندنا الربيان نمظف ومغسل انقعه بالليمون لمده ربع
ساعه واغسله واحط فوقه ماي يغطيه وزياده شوي اذا بدى يغلي
وطلع الغفوا ماله اشيله واحط البهارات فلفل اسود وشوي هيل و
شوي مخلوط مسمار جم حبه ودارسين 3 كسر وهم هيل عدل شوي
وملح اخليه لين ييستوي عاد اكون مجهزه البصل قاصته صغار
احطه بمقلى واقلب بدون زيت اذا صار بني من تحت ابخ ماي
واذا نشف ارد احمس وابخ الين يصير بني واحط الزيت واحمس
واحط كزبره والشبنت واحمس واحط شوي ثوم واحمس واضيف
الربيان بعد ما شخلته عن الماي واحه ع الحشو واحمس شوي
واحطله شوي فلفل اسود وليمون اسود بهار حشو شوي واحمس
الله الريحه طلعت ها ها هذا الحشو جاهز .:,/الحين العيش
المقادير :.:/,:
عيش ع حسب الرغبه - زيت ع حسب كميه العيش -راس ثوم
مهروس- راس بصل مقصص صغار- 2حبه ليومون اسود كبار-
مسمار 10 حبات تقريبا -هيل عدل هم 10-دارسين 3 كسر
زعفران منقع بشوي ماي ورد وهيل مطحون.,:/
اول شي ايب الجدر واحط الهيل والمسمار والدارسين والزيت
اقلب شوي واضيف البصل واقلب واضيف الثوم واقلب واضيف
الليمونتين واحمس اكون مسخنه ماي واصبه فوقه ع كثر كميه
العيش وشوي لاني راح اخلي البهارات تطبخ شوي اخليها تقلب
بالماي عشر دقايق واكون طبعا مغسله العيش ومنقعته
(رز الشعلان امممممممم) واحطه ع الماي واحط الملح اعلي النار عليه الين
ينشف اذا بخر اقصر عليه واحط الزعفران ع جنب من العيش
والحشو ع العيش كله الا جهه الزعفران واغطيه واخليه نص
ساعه عاديه
وقت النجب::,،:،
اشيل الحشو والزعفران وبعدين احط العيش اول وبعدين الزعفران
وبعدين اغطيه بالربيان ....تعبت..... وتعالي اكلي:.:,/
وعليج بالف عافيه والدقوس اكيد موجود واجاروفلفل حارامممممممممم