وعليكم السلام ورحمة الله وبركاته ...


انا الحمدلله أخذت إل جي وحبيتها .. لها عندي سنتين يارب لك الحمد ما أشتكيت منها ماشاء الله لاقوة إلا بالله ..

أهم شيء جيبي سباك كويس يضبط التسليك ومع إهتمامك وماركة جودتها كويسة الشيء راح يطول معك بإذن الله..

بالنسبة للي تقول إل جي تخرب الاشياء ...

ترى كل غسالات الصحون نظام واحد أي شيء فيه ألمنيوم أكيد بيخرب ويسود .. والسبب أن نظام الحرارة اللي فيها تسود المعدن .. مثل الألمنيوم ..

وأشياء كنت أتوقعها استيل وطلعت المنيوم لما طلعت من الغسالة سوداء أو مبقعة ...

ليش فيه اشياء مكتوب عليها يمكن استخدامها في غسالة الصحون لآنها ممكن تناسب الغسالة ..

وفيه اشياء ممنوعة ..


عموما أنا عن تجربة الاشياء اللي دخلتها غسالة الصحون قدور الضغط لكن تغير لونها وأنطفت لمعتها لآن معروف أنها من الألمنيوم ..

ومع ذلك خصصت قدر الضغط صغير طبعا اللي دايم استخدمه خصصته للغسالة اطبخ فيه وأحطه بالغسالة وقبل الاستخدام أشطفه ع السريع ..

أشتريت طقم قدور من الاستيل وما تغير لونها من الغسالة .. والكاسات والاكواب والملاعق الاستيل ...إلخ ..

أطقم الضيافة حاولت أغسلها بيدي عشان ما تخرب لانها فيها زينة بالنحاس .. وماني متأكدة هل بيخرب ولا لا ..

تقريبا اشياء كثيرة تدخل الغسالة بس اهم شيء المعادن والاشياء اللي تحسين أنك تخافين عليها لا تغامري فيها ..

اشتريت مجموعة حافظات بلاستك كلها دخلت وماعليها ماعدا وحده كانت خفيفة مررره مثل الباغة لما حطيتها بالغسالة ماعت وتغير شكلها ..طبعا لانها ما تحملت حرارة الموية بالداخل ..

البراد الاصفر تبع القهوة ما تنحط بالغسالة لانها راح تتغير لونها ..


إن شاء الله أفدتك ولاتنسيني من دعواتك ...

خذي ارستون بس انظمه اقل راح يكون سعره اقل لان بعض الانظمه مالها داعي بس زياده
خذي 6 انظمه ماراح يزيد سعرها عن 1600