حلم ليله صيف
حلم ليله صيف
ماشاء الله البنات كفو ووفو وممكن تسوين تورتيلا والله رووعه بس سوي لك حشوه دجاج ولفيها مع خس ومايونيز وحطيها بسله كبيره تعطي منظر وطعم وكشخه وسوي كريم كراميل حطي طبقتين وحده عاديه وصفي بسكوت شاي وخليها تبرد شوي وسوي طبقه ثانيه بس زودي عليها ملعقتين شكولاته تصير طبقات وشكل رووعه وهي سهله وطعمها حلو
@shosho
@shosho
الله يكون في عونك
وليده
وليده
ناشاء الله اللي سويتيه كفايه والرز اصلا يكفي وبعدين وش ها الناس الكثير كان قسمهم قسمين لان ماعندك احد يساعدك حرام يختي وانتي كثري الرز واليدام والحلا لو سويتي جبنيه ولقيمات تكفي وترى الحلا برمضان مايصلح الا ها الشيئين وجيبي بلح الشام اذا تبين يعني زياده والله يعينك وسوي صوانيك بالليل وخليها بكره بس ولعي عليها فقط الله ياجرك
m33
m33
الله يكون بعونك
pink fo0ofo0o
pink fo0ofo0o
شوفي قبل بيوم جهزي

السلطات :
وخليها نوعين فتوش الي هي عبارة عن خيار وطماط مكعبات كبار وبصل شرائح وبيوم العزيمة حطي تتبيلتها عليها الي هي خل وليمون وسماق وشوي ملح وخبز محمص

والسلطة الثانية حطي خيار حلقات وطماط انصاف قمر حلقات وجزر شرايح وخس وذرة والتتبيله بالوجه تحطي نصف علبة زبادي وشوي طحينية سايلة تقريبا بياله ومايونيز ملعقتين كبار وليمون وخل وثوم وشوي ملح


الحلى:

سوي اي نوع سهل عليك حلى واحد لاتكثير للقهوة ولو تحطيه حلى اكواب أفضل حتى لاتنحاسي بالتقطيع

وممكن تجربي هالطريقة


المقادير:

كل المقادير اخلطيها بالخلاط الكهربائي.


1 علبة بسكوت أولكر مطحون العلبه الكبيره (175 غرام)
1 كأس ماء
1ظرف دريم ويب
1ظرف كريمه (اللي هو كريم كراميل)
1فنجال قهوه حليب بودره
3ملاعق كبيره شوكولاته نوتيلا
1ملعقه صغيره نسكافه
شوي قرفه

اخلطيهم كلهم جيدا وبعدين جيبي كيك سويسرول امريكانا الصغير بالشوكولاته وقطعي كل كيكه

ثلاث قطع وجيبي الكاسات الصغيره..
.حطي كل قطعه بكاس

يعني كل كيكه راح تكفي ثلاث كاسات وصبي الخليط فوق الكيك وبعد كذا تفنني في التزيين..

اما انك ترشين الوجه بفليك مثل اللي بالصوره لأنه هو اللي كان متوفر..

او تغطين الوجه ب الكورن فليكس اللي بالشوكولاته))



او انك تطحنين بسكوت اوريو وتحطينه على الوجه..

تفنني انت عاد بالتزيين..وبرديه في الثلاجه وقدميه

وهاذي صورته


http://www.*****.cc/forum/imgcache/93361.png
..وبالهناء والعااااااااااافيه


خلصنا حلى

الأكلات

طبعا الأساس شوربة

وحطي سمبوسة لفلفيها قبل بيوم لكن بما انك جديدة بالطبخ فأنصحك تحطي سمبوسة جبن حتى لاتتوتري بالحشوة

وحطي سمبوسة ثانية

تعرفي شرايح البف باستري الجاهزة قطعيها نصين وجشيها جبن مالح البقرات الثلاث مع بقدونس وسكريهم من الأطراف وغمسيهم بحليب ثم زعتر وخليه بالفريزر وبيوم العزيمة اقليه

جيبي صامولي صغار مرة وحشها سبانخ وحشوة السبانخ جهزيها قبل بيوم عشان يوم العزيمة بس تحشين

والسبانخ تجيبي بصل وتحطيه على النار مع زيت وتشوحينها ثم تظيفي علبة سبانخ مجمدة من السوبر ماركت مقطوفة وجهازة وحركيها شوي وظيفي عصير ليمونة كامل ونص فنجال خل وشوي ملح وسماق 3 ملاعق كبار

وحطي حشوة لبنه مه شرايح خيار

حطي مكرونا:

بالاول اسلقي مكرونامع زيت بقدر وحطي معاها تنسلق جزر مقطع دوائر واذا قرب ينشف المويا طيفيله قطع فطر وشرايح فلفل رومي ونقانق وعلبة قشطة ونصف علبه جبن سايل وملح وخليه يطبخ دقايق وحطيه بصينيه بايركس جدا لذيذ

وحطي رز

وصينيه دجاج بالفرن:
تجيبي دجاجتين وقطعيها 8 قطع لكل دجاجة

وتبليها ملح فلفل بهارات ثوم مايونيز ملعقتين كبار كاتشب ليمون وخل

وحطيها بصينية وع الفرن لمده ساعة الا ربع

وقدميها مع شرايح بصل مخلوطة بسماق

............................

دعواتك لي




:::::::::::::::::::::::::::::::::::::::

اي ولا انسى بعد

جيبي توست وحطي شريحة جبن شرايح تبع البرجر وسكريها بطبقة ثانية توست وقطعيها ملثات صغار يعني كل شريحة تست تجيب اربع مثلثات


وطريقة ثانية تحشيها تونة أو جبن سايل او لبنة وتقطعينها اربع مثلثات وتدهنيها من برى بالاطراف بس لبنه وتغمسيها بزعتر يطلع شكلها واو

واذا ماعندك احد يساعد بالمواعين وغسيلهم جيبي صحون بلاستك للشوربة وأكواب بلاستك للعصير


بس مو تروح العزيمة ولاتعلمينا وش صار عليك ههههههههههههههههه