بطاط بالفرن مع كريمه وجبن يمي يمي يمي ( اللي تسويها زوجها بيقولها سويها كل مره)

المقادير:
4 حبات بطاطا كبيرة نقي اكبر شي عندج
8 شرايح مرتديلا او مرتديلا ديك رومي اللي ممكن تحطين من كل واحد 4
يعني 4 لحم و 4 ديك رومي
وتقطعينهم مربعات
كوب كريمة حامضة sour cream
نصف كوب حليب سائل
4 ملاعق كبيرة زبدة
كوب جبنة شيدر مبشورة
شوية بصل اخضر شرايح ضعاف
نصف ملعقة صغيرة ملح ومثلها فلفل
او حسب الرغبة
الطريقة:
ينفاح البطاط حتى النضج ثم يترك ليبرد قليلا
تقطعين كل بطاطه بالطول نصين يعني تصير جنها قارب وتطلعين اللب اللي فيها وتخلين القشرة على عدالها لاتخترب
تاخذين اللب مال البطاط اللي طلعتيه وتحطينه مع الكريمة الحامضة والحليب والزبدة والملح والفلفل ونص كوب من الجبن المبشور مو الكمية كلها
وهم نص كمية البصل وتخلطينهم بالخلاط اليدوي لين يختلطون عدل عدل وتصبينهم بالقشرة مالت البطاط اللي خليتيها
تاخذين باقي كمية الجبن والبص والمرتديلا وتحطينهم اخر شي بالتوب ودخليهم الفرن ربع ساعة وبالهنا والشفا
الخلاط أهو الخلاط اليدوي تبع الكيك
ولا تكثرون من الكريمه والحليب علشان ما يخترب الطعم