سنعه وشقرديه :

السلام عيكم ورحمة الله وبركاته .. اول شي اختي بدايه حلوه انك حبيتي تتغيري للافضل .. ثاني شي هنا كلنا خوات وقلب واحد ان شاءالله ووالي فيها عيب الثانيه تصلحه لها والي ماعندها جواب او حل تكتفي بالمشاهده مي مجبوره ترد الله يهديكن بس .. شوفي اختي الغاليه تنظيف البيت مايجي بيوم واحد واذا جاتك همتك ونظفتي البيت بيوم واحد مابيكون نظيف من قلب لانك بتتعبي لكن قسم وظايف البيت وبترتاحي وصدقيني بتحبي بيتك وبتحبي ان الناس تزورك وما تتفشلين يوم احد يزورك فجاءه ..... بعطيكي بعض الحلول الي اقدر اساعدك فيه .. اول شي ادخلي المطبخ ومعاكي ورقه وقلم .. اكتبي مثلا .. الثلاجه : اخرج الاكل البايت والخضره الذبلانه والاغراض الي مالها داعي 2 :احط نوايل الثلاجه بمويا وكلوركس وتايد 3: اخرج رفوف الثلاجه واغسلها وامسح الثلاجه 4: بعدين ارجع النوايل واحط فحم بداخلها واذا تحبي تبخريها بالمستكه تخلي ريحة الثلاجه حلوه وماتضر علي الاكل بعدين اكتبي المجلى : 1: اغسل الصحون وانشفها واحط كل صحن محله 2: اغسل المجلى واغسل نشافة الصحون وبعدين الدواليب تمسكي باليوم دولابين بس عشان ماتتعبي .. وتكتبي بالورقه ايت دولاب ودك تنظفيه تكتبي مثلا دولاب المعلبات 1: اخرج المعلبات كلها واشوف مدة صلاحيتها 2: امسح الدولاب واغسل النايلو الي فيه 3: امسح المعلبات الصالحه للاستخدام واحطها بالدولاب وكل دولاب بهذي الطريقه فهمتي علي .. يعني كل يوم قبل ماتنامين تكتبي بورقه ايش مهامك لبكره واول ماتصحي تبدئي فيها وكل ماخلصتي مهمه اطمسيه والملابس اول ماتصحي بعد ماتصلي افتح شبابيك البيت كلها الا اذ في احد بالبيت نايم يعني يوم عطله افتحي شبابيك الغرف الي مافيها احد لجل تجددين هواء البيت وادخلي سيده علي الحمام الله يكرمك وحطي بالغساله بعض الملابس وبعدين ادخلي المطبخ طلعي اغراض الغداء علي جنب حطيها كلها بصحن عشان ماتسبب فوضى بالمطبخ حتى القدور الي بتطبخي عليها حطيها بالصحن والبصل والخخضره الي بتستخدميها عشان تكون متاكده انك ماحتفتحي دواليبك كل شوي وياخذ من وقتك خلاص كل شي قدامك .. وبعدماتخلصين من تجهيز اغراض الغداء والملابس تنغسل بالغساله انتي ابداي بتنفيذ مهماتك الي كتبتيها قبل تنامين والله بكذا بترتاحي ومايتكوم عليكي شغل البيت ومايجي عليكي العصر الا كل شي نظيف لانك مقسمه وقتك والعصر صلحي القهوه والتمر او حلا اذا ابو عيالك يحب وبخري بيتك لجل لاجاكي احد بالصدفه ماتتفشلين حبيببتي وتقدري تستقبلين ضيوفك وانتي مرتاحه الله يريح قلبك وبالك ويكون عاين لكي ومعين يارب ويستر عيوبك عن اعين الناس وعن زوجك اللهم امين وجميع المسلمات والمسلمين .. ان شاءالله اكون افدتك يالغاليه واي سؤال انا حاضره ياقلبي ..

السلام عيكم ورحمة الله وبركاته .. اول شي اختي بدايه حلوه انك حبيتي تتغيري للافضل .. ثاني شي...