هل انا ظلمت طليقي ؟؟

يعطيكم العافيه

انا تزوجت قبل ٤ سنوات شخص وجلست معه شهر ماقدرت اتحمله وكنت طول ايامي ابكي وكارهته ولاخليته يلمسني حتى من كرهي له
رحت لمشايخ والاغلبيه قالو عين
انا من كرهي له احس اشم ريحته الى الحين
مع اني تزوجت الحين واحد ثاني لي ٣ سنوات واحبه كثييير الحمدلله
بس ربي مارزقنا عيال لان زوجي فيه عقم
انا طول وقتي افكر هل هذا ابتلاء من ربي لاني تركت زوجي الاول
هل انا ظلمته ؟؟

والله ماتطلقت منه دلع بنات ولا كان براسي مخطط او شي كل الحكايه ان ربي مااراد لي ارتاح معه

شرايكم انا ظلمته لاني ماجبرت نفسي عليه ؟؟


وبعدين انا كرهته زياده لانه ارسلني عند كاهن كان يقول هذا شيخ معروف وبيعالجك
ورحت عنده وكتب لي طلاسم بورقه وبعدها عرفت انه كاهن وكنت محصنه نفسي طول هالفتره
حتى الكاهن كان يقولي ١٥ يوم وبترجعين له
انا كرهت طليقي زياده وسبحان الله كرهي له جاء بمحله كيف يسوي هالشي وكيف بستآمن لنفسي معه

هو بعد طلاقي تزوج وعنده عيال الحين وانا وسوست بنفسي ان ربي انعم عليه بحياته اكيد راضي عنه وانا لا
مع اني والله بس استغفر واحاول قد مااقدر مااكسب ذنوب بالكلام ولا سماع الاغاني

رب لاتذرني فرد وانت خير الوارثين