من عندها طفل يعاني من حالة Erb's palsy ؟

الله يشافي لك بنتك وان شاءالله الدكتورات هنا ما يقصرون واذا تحبي راسليهم على الخاص وانا حبيبتي ياريتني عندكم بالسعودية كان دليتكم على طبيب بس ليش ماتراجعين المستشفى السعودي الألماني ماعندهم قسم اطفال ؟؟؟؟؟
انا اختي نفسي اعاني من عوق في يدي اليسرى واصابعي بقدر الحمص ماعدا الإبهام شوية اكبر لكن ابد ماشعرت انها ععائق امامي إلا في بعض الأحداث واهلي ابد ما أشعروني انني معوقة ولم يعاملوني معاملة خاصة لكي لاأشعر بالشفقة وكأنني طفلة عادية والحمدلله تعلمت ومن صغري الخياطة والأعمال اليدوية وحتى السياقة وكل ما أستطيع تعلمه فلا تيأسي اسألي اكثر عن طريق النت اعملي بحث اطباء اطفال او عن مرض ابنتك وانت اعملي اللي عليك والباقي على رب العالمين وتصبري بغيرك فاحمدي الله ....وربي يشفيها لك ويصبرك ويقويك على رعايتها وعلاجها وتربيتها المهم الصحة العامة تكون بخير وأنا احكي لك من باب التجربة فقصتي في موضوعي( من يسمع مصيبة غيره تهون عليه مصيبته) ليتصبر المرء منا ويحتسب وانا سأحاول اعمل لك بحث باذن الله عن حالة بنتك واذا طلع معي نتيجة راح اكتب لك
الله يكون في عونك وعون بنتك شافاها الله واعذريني عن الإطالة ويارب يوم تفرحي بيها

شفها الله الحي القيوم
انا اسمعت عن اطفال يصيبهم هيك بأرجلهم اثناء الولادة
بس حبيت ادعيلها

يالله حيها
الله يعافي البنت
طبعا لازم يكون هناك متابعه باستمرار
مع الطبيب
وهذه الحالات والحمد لله نتائجها هايله
وليه بتبحثي عن السبب ؟
ماكان صار
والحمد لله علي كل شئ
والعلاج الطبيعي بيجيب نتائج كويسه

أم شهد العراقيه ..
جزاك الله خير يا أختي على كلامك الطيب وتصبيرك لي..

الحمدالله على كل حال .. والله يجعله لك أجر انتي وبنتي فالمؤمن مبتلى ..

والله يشافي ويعافي كل مستضر .. آمين


غادة4..
الله يستجيب منك .. ويجزاك بالخير ..


الدكتورة نجلاء محمود..
هلبا والله دكتوره وجزاك الله خير على الرد

ان شاء الله .. كنت أوديها 3 مرات في الاسبوع للعلاج الطبيعي.. بس مشكلتي الكبيره مافيه مواصلات .. زوجي مسافر الحين :(



الحمدالله على كل حال .. أنا أشوف فيها تحسن عن أول .. الدكتور يقول ان شاء الله راح تتحسن أكثر على عمر 4 شهور لما تبدا تحرك يدها اراديا :)



الحمدالله على كل حال .. لاكن يا دكتورتي العزيزه خايفه اذا كانت بنتي حجمها صغير 2800 جرام وصار فيها كذا .. اجل المرات الجايه (ان شاء الله) اللي راح يكوون حجم الجنين أكبر وش بيصير ؟!
واذا كان فعلا ساحبينها ومعورينها مثل ما كل اللي حولي يقنعوني .. أبي أغير المستشفى .. علشان كذا ابحث عن السبب ..

شوفي حبيبتي اختي قبل سنتين جاها مريض ايام الامتياز طفل صغير مايتعدى الخمس سنوات ماكان يمشي خير شر بس يوقف ويطيح!!!!

كلهم رفضو استقباله واختي اخذته كمريض لها بدون مايدري احد الا السوبرفايزر حقتها (الدكتورة اللي تتابع شغلها وترشدها) لانهم كانو يأسين من حالته قالت اختي كسر خاطري وقلت احاول

تصدقين بالله ماخلصت اختي 6 اشهر الا والولد يمشي!!! رئيس القسم لما دخلت اختي عليه وقالت له يادكتور تتذكر هذا الولد تقول قسم بالله تغير لون وجهه قال سبحان الله وشكرها بعدين هاوشها لانه دخلته بدون موافقته


لاتيأسين وخاصة انك باديه معاها وهي لسه صغيره وراح تشوفين نتائج مذهله توكلي على رب العباد وادعي لان له تأثير في الشفاء

يارب تفرحين بشفاها وتشوفينها عروسه زي القمر والله لايعوقها بشر