ياكثرها القصص اللي انظلمت فيها و فرج ربي سبحانه وكشف الظلم

لكن نصيحة لكل أخت انظلمت لا تشتكين إلا لله

إنما أشكو بثي وحزني إلى الله .. الله وحده فقط

افرشي سجادتك وصلي ركعتين وإذا سجدتي اشكي لخالقك ويارب ويارب ويارب كل شيء انظلمتي فيه اشكيه له

وبعدها لا تتكلمين مع أحد عن الظلم اللي صار لك وخليها بينك وبين ربك

سبحان الله إلا تلقين فرج ربي قريب و ينصرك ويبين الحق للجميع بلا حول منك ولا قوة

جربتها أكثر من مرة مسكتها في قلبي و دعوتي وحده ماغيرها ربي إني مظلومة فانتصر

وما أسرع نصر الله لي على من ظلمني

ومرة شكيت للناس وصرت أقص لهم اللي صار و كل من قابلت أشكي لها و لا تغير شي

وبعدها تعلمت ... أن أعلق قلبي بالله وحده ولا أشكي للمخلوقين

شذى صادقه الشكوى لغير الله مذله ومافي احسن من ان الانسان يشكوى لربه ويفضفض

مساء الخير درست في مدارس اهليه وكنت مجتهده ولا الغياب ولاحاجه ومع ذلك انفصل من عملي حول ثلاث مدارس وكنت اتحسب عليهم وادعي بعد سنتين من المشاكل واتعين في مدرسه حكوميه رسميه في قريه وابشركم نقلت ذا السنه والحمدالله والشكر

انا انظلمت لاكن مابي اقول قصتي
انظلمت من ناس كنت مخدوعه فيهم مره
ولا شكيت لحد ولاقلت ولا كلمه
والظلم اللي صارلي سبب لي صدمه في حياتي
وغير نظرتي للناس وللحياه
وتغيرت حياتي كلها بسبب الظلم
لاكن محد يدري وين الخيره فيه
وانا ما دعيت عليهم ولا شي بس قلت حسبي الله ونعم الوكيل والله يبرد على قلبي وينسيني
دائما اقولها في كل وقت وكل ماتذكرت الموقف اقولها
والله اللذي لااله الا هو ان حياتي صارت احسن والناس هذولا صارت لهم مصايب وعقايب شي اللهم لاشماته
بس اهم شي انك اذا انظلمتي لاتشكين همك الا على ربك وبس لان الناس ماتنفعك ويمكن يؤلون اللي صار انه بسببك
وانا ما قطعت اللي ظلموني باالعكس اتواصل معهم ولا كانه صار شي واسمع كلام زي السم ولا كاني اسمعه
الى ان شا الله ونصرني عليهم

انظلمت ومازلت مظلومه
باانتظار النصر من عند رب العالمين