اش الفرق بين اهتمام البنت واهتمام المتزوجة؟؟؟؟

المنزل والديكور

السلام عليكم ورحمة الله وبركاته.......

بصراحة يابنات انا احترت وين اكتب الموضوع بس لاني متعودة عليكم حبيت اطرحه في هذا القسم واذا شايفينه بقسم افضل,,,لكم انكم تنقلوه

انا عمري 21 مو متزوجة بس دايم اتخاصم مع ماما لاني مهتمة زيادة عاللزوم بنفسي وماما تشوف انه المفروض مااهتم كذا لانه على قولها مابقي شي للزواج

مثال:
ماما ماتبغاني اعمل حمام مغربي مع اني اعمله في البيت

ماتبغاني اعمل تنظيف بشرة

ماتبغاني اشتري ماكياج تقول فلوسك ضاعت في الماكياج والملابس

حتى العطور تقول استخدمي عطر واحد بس لما اقول لها ابغا واحد للجامعة وواحد للخروج وواحد للسهرات تقول مو لازم

كيف اقنعها ؟؟؟
انا احب اهتم بنفسي وماما تشوف انه عيب اسوي هذا كله وانه لازم بس احط روج ويكفي ...
صحيح انه انا مااكثر ماكياج يعني ماكياجي بس بودرة واحمر خدود وشدو بيج وكحل وروج بيج بس ماما ماتبغاني اسوي كذا تبغا بس احط روج من غير بودرة ولاحاجة ودايما لما نطلع لازم نتناقر على هذا الموضوع

حاولت اقنعها انه كل البنات اللي في سني يعملوا كذا تقول انا مايهمني البنات انا اهم شي بنتي
واذا قلت لها انه انا ماسويت شي خطأ تقول مو لازم تعملي كل هذا لانه مايعملها غير المتزوجات وتعمل لي محاضرة طويلة عريضة لمين تتصلحي ولمين تهتمي تعبت وانا اقولها لنفسي لنفسي لنفسي تزعل عليا؟؟؟؟؟

هل اللي انا اسويه صح والا خطأ؟؟؟

تخيلوا يابنات حتى الحلاوة تقول لازم ماتنتفي الا في المناسبات وانا بصراحة لازم انتف كل شهر ولازم كل اسبوع اعمل حمام مغربي وكل شهر اروح الصالون اقص اطراف شعري واعمل بوديكيور وطبعا هذا كله اعمله بعد المحاضرات اللي تعطيني اياها ماما واروح بس بعد ماتزعل مني واحيانا اروح وانا متنكدة ....

كيف اقنعها انه الشي اللي انا اعمله عادي؟؟؟؟؟؟

ماما مو موظفة ولا تطلع كثير ومو مختلطة ببنات كثير كل بنات اقاربي اللي في سني متزوجات.......

ياليت تعطوني ارائكم.......لاني بجد محتارة انا صح والا خطأ؟؟؟؟

اختكم
دودي الدلوعة
27
8K

يلزم عليك تسجيل الدخول أولًا لكتابة تعليق.

تسجيل دخول

جواهر الجنوب
جواهر الجنوب
هلا باختي دودي الدلوعه
كل ام تنصح ابنتها ولكل بنت تطيع امها لان الجنه تحت اقدام الامهات وهي تنصحك لمصلحتك
لانك باديه في العمر على هذي الشغلات وعندما تكبرين سوف تتذكرين كلامها وهي لاتريد
ان تتاثر بشرتك بالكريمات بانسبه لي انا متزوجه وعندي ثلاثه اطفال ولا اعتنيت ببشرتي الا
هذه السنه ما شاء الله عليها صفاوه ونعومه من وصفات بنات المنتدى
وانتي لا تستعجلي على كل شي والحلاوه عندنا البنات عيب يشلوا الشعر الا في المناطق الحساسه
وحاولي ان تفهميها بالهداوه والرضا بانك تبي تعتني ببشرتك حتى هي جعليها تعتني ببشرتها وكله
من المطبخ وما في داعي للا ستهلاك ولا يكلف الله نفسا الا وسعها
بالتوفيق
سنفورة الأمورة
حبيبتي حاولي تقنعينها بالهداوة قوليلها طيب لو ماتزوجت بندم اني مااعتنيت ببشرتي ولااهتميت باشياء الي بسني مهتمين فيها وبعدين العطار لايصلح ماافسده الدهر الوحدة اذا مااهتمت بنفسها الحين متى تهتم؟ انتي حاولي تفهمينها ولومارضت لاتعصينها مصيرها بتقتنع انشالله لاني اعرف وحدة اشد من امك بس اخرتها رضت لبناتها يحطون مثل غيرهم شلون مدري كذا اقتنعت من حالها

وتحيـــــــــــــاتي لك :14:
زهوة
زهوة
عزيزتى الماكياج الكتير مو حلو للبنات دايما دايما عشان ان شاء الله يوم زواجك يكون لك بهجه

اما الروحه للكوافير عادى ما فيها شى

ما ادرى انا كدا رايي
ساالي
ساالي
هلا يا حلوه
فيه اشياء انا انصح كل انثى تعملها بغض النضر عن سنها
مثل الشيل بالحلاوه شهريا او اكثر على حسب
العطور
العنايه بالبشره ولكن بالمواد الطبيعيه للحفاظ على جمالها
المكياج الخفيف الي تشتريه من بودي شوب ما يكون ثقيل افضل
اما الحمام المغربي والمكياج الثقيل والوشن المعطر والحركات هذي خليها بعد الزواج افضل عشان يطلع لك نظره وطله ثانيه

يعني لا ضر ولا ضرارا فهمتي !!
يمكن الماما دايما
ترفض لانها تشوفك تبالغي في العنايه
خير الامور اوسطها
ياله باي
فتاة الأزهار
فتاة الأزهار
خير الأمور أوسطها..

اهتمي بنفسك من غير إفراط ولا تفريط..