شوفو موضوعي علاااااج لجميع مشاكل الشعر

اب

:)

السلام عليكم
موضوعك رائع يالغاليه فعلا بيكون شي حلو لو تجمعنا مع بعض وكتبنا مواضيعنا بمكان واحد بيصير مثل المجلس كل وحده تسولف عن اشياءها وتجاربها وخلطاتها وكل شي تستخدمه مشكوره وجزاك الله
بالنسبه لي انا مسويه لي جدول سهل وبسيط ماشيه عليه من زمان والحمدلله شعري حلو وصحي وكثيف
1- ايام الاسبوع من السبت للثلاثاء زيت انوب اضعه على الشعر باطراف اصابعي بكمية قليله
2-الاربعاء خلطة الحناء الاكثر من رائعه واللي ما اقدر استغني عنها
3-بعد الخلطه على طول حمام زيت (3ملاعق حمام زيت فاشكول بالثوم+2ملعقه خميره فوريه+3ملاعق عسل اصلي+2ملعقه مايونيز+نص علبه زبادي)
4-الخميس ماسك تغذيه نص علبة زبادي 3ملاعق عسل
5-الجمعه ارشه بمسحوق نواة التمر رهيبه النتيجه وباخر اليوم اعمله سيشوار عشان الدوام
6-الشامبو المعتمد عندي على طول ميتال
7-فيتامين بيوتين 2500 حبه بعد الفطور مع اني تركته من زمان بس رجعتله هاليومين لانه ضروري لصحة الشعر لاحتوائه على مادة البيوتين الضروريه للشعر

هذه خلطة الحناء اللي استخدمها هي في الاساس للاخت حور الجنان مع شوية تعديلات بس مرتاح شعري عليها:
3ملاعق حناء
3ملاعق عسل طبيعي
3ملاعق سدر
3ملاعق مايونيز
3ملاعق كاكاو بودره
نص علبة زبادي
3ملاعق محلب مطحون
3ملاعق حبة سوداء مطحونه
1ملعقه حلبه مطحونه
1ملعقه قرنفل
1ملعقة نسكافيه
فنجان قهوة زيت (اي زيت القيه احطه)
احط بقدر صغير بصله واقطعها اربع اقسام وفص ثوم مقطع واخليها تغلي براحتها حتى يصير لون المويه اصفر واتركه يبرد اروح للخلاط احط فيه نص حزمة جرجير مغسوله وثلاث قطع صغيره صبار واحط عليها موية البصل واخلطها وبعدين اضيفها للمقادير السابقه واخليها تخمر ساعه تقريبا وبعدين احطها بشعري بس اختي المقادير حاولي تكون على قد حاجة شعرك واذا زادت الخلطه معك شوي عطيها لاختك او امك عشان يستفيدون لانها ما تنفع تنحط بالثلاجه لازم كل اسبوع تسوي خلطه جديده طازجه وبالتوفيق ياامورات
هذا جدولي جيبته من ردي بموضوع الاخت مملكة الانسانيه والله اني تعبت اعذروني النت عندي ضعيف بس ابي الكل يستفيد والله ينولكم الشعور اللي تتمنون يارب دعواتكم لي بالستر :)